Martovskoto predpraznično žensko druženje vo Prilep započna so gala manifestacijata “Vešta Žena” koja vo nedelata go odbeleža svojot golem jubilej 20 godišniot kontinuitet, koj nedvojbeno zboruva za kvalitetot i standardite što se neguvaat na ovoj natprevar vo koj ženite gi pokažuvaat svoite kulinarski i dekorativni afiniteti i na eden seopfaten način ja prestavuvaat ženskata sestranost. Prilep kako grad podocna se vkluči vo natprevaruvanjeto na “Vešta Žena”, no so kvalitetot i ponudenite ideii brzo se nametna i go potvrdi umetničkiot sens i kreativnosta na ženite od ova podnebje, koi predizvikot so zadovolstvo go prifatija. Standardite što se vospostaveni na ovaa manifestacija niz godinite zboruvaat deka ništo ne e ostaveno na slučajot, odnosno deka maksimalno se zapazeni kriteriumite koi gi nadgleduva žiri komisija od različni gradovi, no i publikata koja sekogaš go ima glavniot zbor vo odbiranjeto na najdobrite.
Suzana Micanoska natprevaruvačka
Ideen tvorec na manifestacijata e tetovčankata Snezana Stojanovska za koja ženite velat deka e vistinska “čelična lady” koja se drži pod stroga kontrola i uspešno ja nadgraduva prikaznata na “Vešta Žena” vo koja postojano se vklučuvaat novi generacii so novi idei. Ona što ovaa manifestacija ja pravi transparetna e možnosta sekoj grad da ima svoj organizatorski tim, predvoden od edna izbrana Vešta Žena, a vo Prilep taa zadača veќe so godini i e doverena na Menče Kostoska, edna od najtrofejnite Vešti Ženi so golem broj na osvoeni nagradi, no i dama poznata po fantastičnite kreacii koi se vistinski remek dela.
Deka Menče seušte go neguva natprevaruvačkiot duh potvrdi so učestvoto vo Gran Pri kategorijata za Srebrena medalja so temata “Familijarno drvo” koja gi oduševi site prisutni što imaa možnost da ja vidat nejzinata izvedba.
Vo kategorijata amateri godinava se natprevaruvaa četiri dami i toa Suzana Micanoska so temata “Nov život”, Sonja Šijakoska so temata “Jubilejna ljubov”, Ane Mijakoska Risteska so temata “Bajka” i Svetlana Markoski so temata “Indija”. Site četiri dami bea na visina na zadačata i predizvikaa vistinsko oduševuvanje so svoite kreacii, so desertite i načinot na serviranje na masite, pa bea soodvetno nagradeni spored boduvanjeto od strana na publikata i žiri komisijata.
Titulata “Vešta Žena” na Prilep za 2023 godina ja ponese mladata dvaeest i devet godišna Svetlana Markoski koja za prv pat učestvuvaše na ovaa manifestacija. Nejzinata torta na licitacijata postigna najvisoko naddavanje, a samata izvedba na temata “Indija” beše oceneta kako isklučitelno orginalna.
Godinava kako inovacija beše i vklučuvanjeto na Vip ličnosta, a taa titula ja ponese D-r Nade Karađoska, bibliotekar Sovetnik vo Oddelot za razvoj i unapreduvanje na bibliotekrastvoto, izdavačka dejnost, marketing i odnosi so javnost vo JOU Gradska biblioteka “Borka Taleski” Prilep. Nejzinata impresivna biografija, postignatite rezultati i naučnite trudovi bea vistinska inspiracija za ženite koi so gromoglasen aplauz go pozdravija izborot na ovaa dama kako reprezent na Prilep.
Celodnevnoto nedelno druženje ženite go zaokružija so pesna i igra za koja beše zadolžen “Tin bendot” koj vo ovaa prilika osobeno ќe go pofalime zatoa što uspea so ubavo odbraniot repertoar da go podigne raspoloženieto.
Na krajot samo bi dodale deka “Vešta Žena” ima svoe Republičko prodolženie vo Tetovo na 12ti Maj na koe ќe bide izbrana najdobrata “Vešta Žena” na nivo na Makedonija.
Biba KRNČESKA
