Posle dve godišnoto isčekuvanje konečno go dočekavme održuvanjeto na 35 godišniot jubilej na najstariot i najrenomiran festival na novosozdadena pesna “Folk Fest Valandovo” i toa beše dovolna pričina da se čuvstvuvame sreќni i da se upatime prema toplite kraišta, kon gradot na kalinkite poznat po pesnata, gostoljubivosta i pitomiot temperament. Ovie karakteristiki ušte ednaš gi potvrdija domaќinite, odnosno lokalnata samouprava, koja i ovaa godina zastana pozadi organizacijata na festivalot, a voedno ni izleze vo presret i nam na, novinarite obezbeduvajќi ni kompletna akreditacija i smestuvanje vo Dojran, što beše za apsolutna pofalba.
Festivalskiot orkestar pod vodstvo na Darko Ilievski
Godinava za prv pat Valandovskiot festival imaše samo edna festivalska večer, koja trebaše so avtorskiot kvalitet i pejačkiot potencijal da go krunisa 35 – godišnoto postoenje i voedno da ja pottikne zedta na konsumentite po avtentičniot valandovski zvuk, koj dolgi godini beše sinonim za kvalitetna muzika. No, se čini deka seto toa ostana samo pusta želba, zatoa što i pokraj avtorskiot kredibilitet ne slušnavme hitovski pesni za koi može da tvrdime deka ќe traat so godini kako nekogašnite.
Festivalskata Programa
Za volja na vistinata, čuvme nekolku umetnički kompozicii koi sepak go zavrednuvaat vnimanieto od muzičkata fela i javnosta.
Inaku, pomesteniot festivalski datum od maj vo juni, se pokaža kako klasična sabotaža, zatoa što visokite temperaturi go onevozmozuvaa komfornoto sledenje na festivalskiot program, što se održuvaše vo sala bez klimatska ventilacija, pa publikata poveќe se pavkaše so programskite livčinja od kolku što imaše koncentracija na pesnite i izveduvačite, za koi trebaše podocna da glasa. Najhrabri vo ovoj temperaturen podvig bea členovite na festivalskiot orkestar koi moraa vo temnite košuli so dolgi rakavi da izdržat skoro dva časa na scenata i pritoa najprofesionalno, instrumentalno da gi ispratat site vokalisti.
Praktično festivalskiot orkestar pod vodstvo na maestro Darko Ilevski beše gavniot stolb na koj se pottpre festivalot, a živiot zvuk najveličenstveno go oboi festivalskiot ambient.
Isto taka, renomiranite estradni zvezdi so svoeto učestvo pridonesoa festivalskta večer da ima doponitelna težina, a izbranite profesionalci vo žiri komisijata vetuvaa česna raspredelba na nagradniot fond. Za žal, krajniot ishod ne korespondiraše so očekuvanjata, no da odime redosledno.
Efto Pupinoski
Festivalskoto defile donese 23 novi kompozicii, a našeto vnimanie go okupiraa nekolku pesni i izveduvači. Pred se orginalniot Efto Pupinovski, koj uspea so maestralnata interpretacija da ja predizvika valandovskata lokal- patriotska publika na skandiranje i aplauzi, potoa Duško Georgievski, koj sekogaš važi za odličen pejač, a nema sreќa so nagradite, temperamentnata valandovčanka Liljana Prnarkova, koja imaše apsolutna poddrška od publikata, potoa vonseriskata Suzana Spasovska koja ispea isklučitelno umetnička kompozicija, pa raspeaniot Darko Bilbilovski, a dobra pesna imaše i legendarniot Pero Hristov. So ubava interpretacija se izdvoi i Elena Andonovska, koja uspea da ja prikrie svojata blažena sostojba so decetniot stil i da blesne so ubavinata. Zabeležitelen nastap imaše i mladata debitantka od Valandovo Pepita Bojkova, potoa Taško Karanfilovski, Dalibor Đošiќ i zabavnjakot Lambe Alabakovski koj ispea tipično narodna pesna potpišana od legendarnite braќa Barbarovski.
Duško Georgievski
Liljana Prnarkova
Darko Bilbilovski
Koga sme kaj avtorite, prisutni bea najplodnite i najuspešni kompozitori, aranžeri i tekstopisci, a za toa sekako najzaslužen e umetničkiot direktor Živoin Glišiќ, koj uživa golem ugled kaj svoite kolegi. Sepak ugledot na festivalot beše raznišan istiot moment koga ja čuvme raspredelbata na nagradite.
Treto plasiran beše Efto Pupinovski, za koj bevme ubedeni deka ќe bide apsoluten pobednik, zaradi celokupniot performans koj go pokaža pri izvedbata na isklučitelno zahtevnata kompozicija “Izgubeni duši”, od kompozitorot i aranžer Nikola Avtovski i tekstopisecot Borče Nečovski. Efto za vreme na izvedbata imaše i tehnički peh, no toa ne ja naruši negovata maestralna interpretacija, što ja prateše razvojnata melodiska linija so posebna emocionalna strast. Najvpečatlivo beše negovoto samoinicijativno akapela prodolženie, koe posebno i se dopadna na publikata pa go isparti pejačot so ovacii. Arno ama, valandovskata publika na krajot sepak se odluči ovaciite da gi zameni so lokal patriotskite čuvstva pa vtorata i prva nagrada im gi dodeli na svoite sogragjanki. Iskusnata Liljana Parnarkova se zakiti so vtora nagradata za kompozicijata “Stariot javor” za koja muzikata ja napiša nejziniot kolega Dalbor Đošiќ, aranžmanot e na Darko Ilievski, a tekstot na Jovica Kockovski poznat kako Jony Walker.
A kako pobednička na godinešnoto 35 jubilejno” Valandovo”, triumfiraše debitantkata Pepita Bojkova so pesnata “Do mojot posleden den” od kompozitorot Filip Peševski, aranžerot Nikola Avtovski i tekstopisecot Borče Nečovski. Pepita se čini deka i sama beše pomalku iznenadena so dobivanjeto na prvata nagrada, a nejzinata pobeda gi zbuni i členovite na žiri komisijata, koi vo kuloarite nezadovolno komentiraa deka ne glasale za vakva raspredelba. Nekoi od prestavnicite na žiri komisijata vo doverba ni kažaa deka nivnite glasovi gi predale vo zatvoreni plika i od toj moment poveќe nemale uvid vo raspredelbata na nagradite?!?
Voditelskiot tandem Irena Spirovska i Gjorgji Kaladjijev sekogaš profesionalni
Najčudno vo celata ovaa situacija e što žiri komisijata se pomiri so odlukata i nitu ednaš ne pobara da i bide soopšteno kakov bil soodnosot pomegju glasačkite livčinja od publikata i nivnite doverlivo predadeni glasovi?!?
Toa dovolno zboruva za našiot mentalitet koj ja sledi linijata na pomal otpor i sekogaš se pomiruva so ishodot, pa makar imalo i flagrantno kršenje na pravilata.
Dalibor Đošiќ
Na krajot da gi soopštime i ostanatite nagradi koi bea dodeleni na godinešnoto 35-to jubilejno izdanie na “Folk Fest Valandovo”:
Nagradata za životno delo otide vo racete na najzaslužniot za otpočnuvanje na ovoj festival na novosozdadeni pesni, muzikologot i kompozitor Kostadin Kostadinovski koj za žal lično ne prisustvuvaše, pa vo negovo ime ja podigna Mile Barbarovski. Mile isto taka ja podigna nagradata i za najdobar tekst vo ime na svojot barat Gjorgji Barbarovski za pesnata “Patuvam” što ja otepa Ljupčo Georgjievski.
Nagrada za najdobar aranžman dobi Ljupčo Mirkovski za pesnata “Ljubov ah ljubov” vo ispolnenie na Suzana Spasovska, kako najdobar debitant beše proglasena Branka Sokolovska koja ja izvede pesnata “Sliki”, a nagradata za najdobra interpretcija ja dobi kantavtorot Dalibor Đošiќ za pesnata “Kade si”…
Maestralnata Blaga Petreska
Posebno vpečatliv beše nastapot na temperamentnata Blaga Petreska koja kako specijalna gostinka na festivalot, imaše svoe polučasovno show, pred samoto proglasuvanje na laureatite.
Blaga so svojata pojava vo crveniot dolg fustan ja potvrdi tezata deka ženite se kako vino, a so širokata nasmevka i vrodeniot šarm gi osvoi site generacii vo publikata. I pokraj visokite temperaturi koi bea teško izdržlivi Blaga peeše od srce kako što toa sekogaš go pravi, a najemotiven moment beše koga ja potseti publikata na duetskata numera “Peam da ne zaplačam” koja svoevremeno na ovoj festival ja ispea so nezaboravniot Goce Arnaudov.
Novinarite vo društvo na najdobrite
Jubilejniot Valandovski festival završi so koktel zabava i mnogu kurtuazno druženje, što znači deka izostana dobrata i vesela atmosvera, a gi nemaše ni post festivalskite družbi vo legendarniot Dojranski restoran “Fuk Tak”.
Na krajot vo odbrana na celokupnata atmosvera bi dodala deka možebi seušte ni treba malku vreme za da se regenerirame duševno, posle kovid krizata i deka do godina možebi rabotite ќe trgnat na podobro, barem imame pravo na toa da se nadevame…
Biba KRNČESKA
