Preku pesnata i muzikata se zapoznaa, taa gi spoi i taa ja rodi nivnata ljubov za večnost. Janko Uzunov i negovata sopruga Žaklina na javnosta i se dobro poznati umetnici koi so svojot umetnički bagaž niz godinite i dadoa svoeviden pečat i na makedonskata pesna. Za žal Janko pred šest godini iznenadno počina, a negovata Žaklina ostana da go čuva i neguva spomenot za nego, za negovoto tvoreštvo no i za negovata pedagoška dejnost i muzička doslednost kon korenite i izvorniot melos koj samo Uzunov možeše da go spakuva na eden svojstven avtorski način što lesno se prepoznavaše po prvite taktovi. Tokmu taa simbolika veќe šesta godina tradicionalno ja odbeležuva negovata Žaklina koja kako prestavnik na Muzičkoto učilište “Uzun” i vo sorabotka so “Crven krst” na grad Skopje na 15 februari go organizira humanitarniot koncert “Uzun za Uzun” koj ќe se održi vo salata od domot “Dare Đambaz” so početok od 16 časot.
Koncepcijata na samiot koncert e seopfatna pa taka vo programata osven mladite gitaristi od muzičkoto učiliste “Uzun” učestvo ќe zemat i gostite od rodnoto mesto na Janko, Valandovo, negovite prijateli i kolegi Vlatko Vučkov i maestro Riste Tuševski, balkanski poznatiot tapanar Gjorgji Lazarov Đango, kantavtorot Vančo Tarabunov, no i mladite pejači Kristijan Demjanski i Mimi Jovanovska. Na koncertot publikata ќe može da ja vidi i novinarkata Valentina Gjorgievska – Pargo kako i folk pejačot Goran Simevski.
Seќavanjeto na Janko ќe go spodeli i muzikologot Kostadin Kostadinovski i voditelkata na MTV Katerina Stojanovska Deskovska, a osven muzička dimenzija koncertot ќe ima i humana forma pa taka site sredstava što ќe bidat sobrani ќe bidat donirani na punktot za bezdomnici pri Crveniot krst.
Ovoj human gest e ušte edna asocijacija za Janko Uzunov koj beše poznat kako mnogu miroljubiv dobar i plemenit čovek.
Roden vo 1951 godina vo Valandovo Uzunov svoite golemi muzički uspesi započnal da gi realizira ušte od najmlada vozrast koga javnosta go zapozna preku legendarnata pesna “Momčeto so mandolinata” koja vo duet so Cvetanka Laskova ja izvedoa na pročueniot Opatiski festival i ja ponesoa prvata nagrada. Negovata muzička ekspanzija započna vo sedumdesetite godini od minatiot vek, a koncertno i avtorski beše seprisuten na estradnata scena i vo osumdestite i devedesetite godini koga napiša i ispea golem broj hitovski refreni koi go ponesoa statusot na evergrini. Održa golem broj na koncerti širum svetot, a beše osobeno rado prečekan umetnik kaj našincite vo Avstralija, Amerika Kanada i Evropa. Internacionalna slava zabeležal i preku koncertnata aktivnost vo Bugarija kade vo pridružba na orkestarot na RTV Sofija nastapuval so Vili Kazasijan, a na “Zlatniot Orfej” ja delel scenata so golemata italijanska zvezda Al Bano. Pred legendarniot Maršal Tito ja izvedol pesnata “Delčev vojvoda”, a negovata ljubov kon tatkovinata Makedonija bila negova najsilna inspiracija koja se čuvstvuvala vo site negovi notni zapisi.
Vo negova čest kako roden valandovčanec , muzički doajen i kantavtor koj redovno nastapuval na valandovskiot festival novata sala vo Domot na kulturata vo Valandovo go nosi negovoto ime.
Bidejќi Uzunov poslednite decenii od svojot životen vek gi odbeležal preku pedagoškata rabota so talentiranite učenici vo petok ќe im bidat dodeleni i diplomi na gistaristite Aleksandra Stankoska I Mihail Mirčevski.
Site zaintersirani za ovoj muzički nastan organizatorite gi pokanuvaat so osobeno zadovolstvo da ja prosledat najavenata programa koja e bezplatna i vo čest na golemiot umetnik Janko Uzunov.
Biljana KRNČESKA
