Nekade pomegju srednoškolskite denovi, časovite po muzika vo Bitola i tinejdžerskoto sekojdnevie vo rodniot Prilep, šesnaesetgodišnata Mihaela Lazoska go pravi svojot prv, iskren čekor vo muzičkiot svet. Bez pretenzii da zvuči kako veḱe izgradena zvezda, tuku sosema prirodno, kako devojka koja iskreno ja saka muzikata i doprva ḱe se gradi, Mihaela denovive ja objavi svojata prva avtorska pesna i videospot – „Kaži bar zbogum“.

Ovoj nejzin debitantski singl pristigna vo najubaviot period za nea. Samo pred edna nedela Mihaela svečeno go proslavi svojot šesnaesetti rodenden, a pesnata dojde kako najubav rodendenski podarok, čija promocija se sovpadna i so nejziniot imenden.

Temata na „Kaži bar zbogum“ e celosno bliska do nejzinite godini – moderna, tinejdžerska, vklopena vo sekojdnevieto, porakite i načinot na koj razmisluva i funkcionira denešnata „Zet“ generacija.

Zad Mihaela veḱe stoi ubava muzička osnova, no taa e svesna deka vistinskoto učenje i nadograduvanje doprva pretstojat.

Od mala pokažuvala ljubov kon peenjeto, pa prirodno go završila osnovnoto muzičko učilište vo Prilep, a go posetuvala i učilišteto „Matriks“. Denes e vtora godina vo srednoto muzičko učilište vo Bitola.

Nejziniot muzički svet e širok – iako ja saka i ja pee operata, istovremeno saka da istražuva i drugi, posovremeni žanrovi, tokmu kako što napravi so ovaa pesna.

Za nejzinoto prvo studisko i video iskustvo da pomine vo najdobar red, zastana proverena ekipa. Muzikata, aranžmanot i produkcijata gi napravi Rubin Dimkoski, dodeka tekstot e zaedničko delo na Rubin Dimkoski i Ace Lazoski. Spotot go snimi Zoran Pilata od „FUN Production“vo opuštenata atmosfera na prilepskiot kafe-bar „Six Seven“ – mesto koe odlično se vklopi vo nejzinite tinejdžerski godini.

Mihaela voopšto ne krie deka pred kamerite imala trema i deka ušte uči kako da se nosi so seto ova, no tokmu vo taa nejzina iskrenost leži i nejzinata ubavina: „Muzikata mi e poveḱe od hobi – taa e moe izrazuvanje i ljubov vo koja se pronaogjam, a moja želba e so mnogu trud i učenje da mi stane profesija. Muzikata me pravi sreḱna i ispolneta. Od mala uživav vo peenjeto; togaš ne znaev kade ḱe me odvede patot, no znaev deka muzikata e ona što go sakam, a moeto semejstvo i najbliskite go prepoznaa mojot talent i me ohrabruvaa da peam, da učam i da veruvam vo sebe. Snimanjeto na pesnata beše prekrasno iskustvo – na početokot imav mala trema bidejḱi mi e prvo snimanje, no vo tekot na rabotata se opuštiv. Predizvik mi e da veruvam vo sebe, da ja nadminam tremata i da rabotam na sopstvenoto usovršuvanje. Muzičkiot pat bara mnogu trud, trpenie i posvetenost, no se nadevam deka idnite nastapi ḱe bidat sè počesti, pa izleguvanjeto pred publika ḱe me ohrabruva sè poveḱe“, veli Mihaela.

So jasna želba da go završi muzičkoto obrazovanie na visoko nivo i so mnogu prostor i vreme pred sebe za da raste i da se razviva, Mihaela Lazoska poleka, čekor po čekor, počnuva da si go trasira svojot pat. A „Kaži bar zbogum“ e samo nejziniot prv, ubav početok.


Biba KRNČESKA


POSTAVI ODGOVOR

Please enter your comment!
Please enter your name here
Pre slanja komentara molimo Vas da pročitate sledeća pravila