Makedonskata muzička scena otsekogaš bila rasadnik na vistinski talenti, a od srceto na Tikvešijata ni pristignuva nova, iskrena, muzička iskra. Stanuva zbor za 15-godišniotViktor Gjorev od Kavadarci, učenik vo SOU „Dobri Daskalov“, čij vokal veḱe seriozno go privlekuva vnimanieto na publikata, no i na iskusnite muzički iminja – megju koi i negovata sogragjanka, poznatata pejačka Cvetanka Gligorova (Bartuloviḱ), koja ne go krie vooduševuvanjeto od negoviot potencijal.

Muzikata kako semeen amanet
Za Viktor, muzikata ne e samo obično hobi, tuku način na život koj go vpival ušte od najranoto detstvo. Rastejḱi vo dom kade pesnata i zvukot na gitarata bile sekojdnevie, prvata i najsilna inspiracija ja crpel od svojot tatko, od kogo gi nasledil ljubovta kon muzikata i ubaviot glas. Sepak, presudna uloga vo toa negoviot talent da izleze nadvor od četirite zida ima negovata sestra, koja e negoviot najgolem veter vo grb i ličnosta što go ohrabrila da zastane pred kamera i publika, dodeka nejzinoto momče go vovelo vo tajnite na svirenjeto gitara.

Viralen uspeh za samo 24 časa
Hrabrosta da ja spodeli svojata emocija na socijalnata mrežaTikTok mu donese instantna potvrda deka e na vistinskiot pat. Negovoto prvo objaveno video za samo 24 časa sobra nad 50.000 pregledi. Za mladiot kavadarčanec, ovie brojki ne se samo statistika, tuku dokaz deka iskrenata emocija sekogaš go naogja patot do srcata na slušatelite.

Inspiriran od velikanot Toše Proeski
Posebno mesto vo repertoarot na Viktor zazemaat pesnite na našiot neprežalen muzički velikan, Toše Proeski, kogo go smeta za svoj najgolem idol i primer za toa kako treba da se saka i živee muzikata. Negovata neodamnešna izvedba na kultnata balada „Soba za taga“, realizirana vo učilišniot hol zaedno so negoviot profesor po muzičko obrazovanie, horot i orkestarot na SOU „Dobri Daskalov“, e vistinski dokaz za negovata zrelost i sposobnost da prenese dlaboka emocija.

Osven što bleska so mikrofonot i gitarata, Viktor e odličen primer za mlad čovek koj znae kako da gi balansira obvrskite i strastite. Toj aktivno i poluprofesionalno trenira košarka, nastapuvajḱi za KK „Tikveš“ vo kategorijata M16. Veli deka sportot go uči na disciplina, timska rabota i upornost – osobini koi se podednakvo važni i za gradenje na muzička kariera.
Viktor Gjorev ne brza kon uspehot, tuku čekori sigurno, skromno i so ogromna ljubov. Negovata najgolema želba e eden den da zastane na golemata scena so svoi avtorski pesni, a sudejḱi spored negoviot talent, harizma i poddrškata što ja dobiva, so sigurnost možeme da kažeme deka pred nego e bleskava idnina.
Biba KRNČESKA















