Detskiot teatar ne e samo prostor za zabava i pottikuvanje na fantazijata. Toj e edno od prvite mesta kade što najmladite se sreḱavaat so umetnosta, učat da ja sledat scenskata prikazna, da gi prepoznavaat nejzinite poraki i da sozdavaat sopstven odnos kon kulturata. Tokmu od takvata ideja trgnuva i novata produkcija na Tancovoto studio „Zodijak“ od Prilep – mjuziklot „Snežnoto Kralstvo“, koj utrevečer, 13 noemvri, vo 20 časot, premierno ḱe bide izveden na scenata na Centarot za kultura „Marko Cepenkov“.
Namenet za deca i mladi, mjuziklot ja nosi publikata vo svet na neobična zimska prikazna, vo koja niz različni životni iskušenija i sudbini se otvoraat temite za vistinskata ljubov, semejstvoto i sestrinstvoto. Vo nejzinata osnova se vrednosti koi ne se ograničeni na detskata vozrast – doverbata, megjusebnata poddrška, bliskosta i sposobnosta da se prepoznae ona što navistina e važno.
„Snežnoto Kralstvo“ e odobreno vo Nacionalnata programa za kultura i umetnost na Ministerstvoto za kultura i turizam za 2026 godina, vo oblasta na dramskata dejnost. Ova e prvata produkcija na „Zodijak“ za ovaa godina, realizirana vo koprodukcija so Centarot za kultura „Marko Cepenkov“, koj veḱe 27 godini e matična scena na studioto.
Istata sorabotka beše osnova i za minatogodišnata pretstava „Pepelaška“, so što se prodolžuva dolgogodišniot kontinuitet na zaednička rabota. Novata pretstava obedinuva akterska igra, muzika i tanc, a scenskata slika ja nadopolnuvaat kostimite, scenografijata, kuklite, svetlosnite rešenija i 3D mapingot. Stanuva zbor za produkcija vo koja vizuelniot pristap ima značajna uloga vo gradenjeto na scenskiot svet i približuvanjeto na prikaznata do detskata publika.
Režijata i koreografijata gi potpišuva Kire Miladinoski, dramatizacijata i adaptacijata se na Blagojče Nikoloski, a muzikata na Tome Temelkovski. Kostimografijata e na Angja Miladinoska, scenografijata i kuklite na Jordan Miladinoski, dizajnot na reklamniot materijal, proekciite i vizuelnite efekti go realizira Petar Jošeski, a za svetlosniot dizajn e zadolžen Boban Smilkoski.
Zad premiernata izvedba stoi intenziven proces na podgotovka, so golem broj probi i angažman na celiot ansambl. Edna od učesničkite, koja tolkuva tri ulogi i e na scenata vo pogolemiot del od pretstavata, veli deka poveḱekratnite zadači ne gi doživeala kako napor. Najgolem motiv ì bile detskite nasmevki i zadovolnite pogledi, tokmu ona što na scenata im dava smisla na vloženiot trud na akterite i izveduvačite.
Za Tome Temelkovski, muzikata e del od jazikot preku koj se raskažuva prikaznata. „Muzikata ne se raskažuva, taa se čuvstvuva“, veli toj, opišuvajḱi go procesot kako živ i dinamičen, so predizvici što postojano barale novi rešenija. Osobeno složen bil kastingot, bidejḱi trebalo da se pronajdat akteri amateri koi ḱe možat istovremeno da peat, glumat i igraat.
Niz selekcijata pominale golem broj kandidati, a konečnata ekipa se sostavuvala spored potrebite na zamislenata koncepcija.
Vo koordinacijata i izborot na soodvetnite likovi pomognala i Bisera Garaloska, na koja Temelkovski ì ja istaknuva poddrškata, upatuvajḱi blagodarnost i do Kire Miladinoski za ukažanata doverba.
No, zad scenskata produkcija stoi i nešto što za Tancovoto studio „Zodijak“ e podednakvo važno kako i samata izvedba – sozdavanjeto publika.
Kire Miladinoski posočuva deka edna od osnovnite celi na studioto e da gi motivira decata i mladite, no istovremeno i da gi educira kako idni posetiteli na kulturnite nastani. Da naučat da prepoznavaat što gledaat na scenata, da go razbiraat vloženiot trud i da umeat da ja cenat umetnosta. Toa e i suštinata što ja nadminuva ramkata na edna detska pretstava. Ne e dovolno najmladite samo da bidat privlečeni od scenskite sliki i prikaznite. Važno e teatarot da im ostavi nešto što ḱe go ponesat so sebe i po završuvanjeto na pretstavata – ljubopitnost, novo soznanie i želba povtorno da se vratat vo teatarskata sala. So „Snežnoto Kralstvo“, „Zodijak“ prodolžuva tokmu vo taa nasoka, so verba deka idnata teatarska publika se sozdava denes, preku sekoja sredba na decata so scenata.
Biba KRNČESKA
