KAVADARCI – Vo topliot i avtentičen ambient na Kuḱata na miris i vkus pri Muzej-galerijata vo Kavadarci, so mnogu emocii, nostalgija i gordost, neodamna beše oficijalno ovekovečeno i promovirano bogatoto muzičko tvoreštvo na kavadarčanecot Risto Veškov. Nastanot, koj sobra brojni počituvači na umetnosta, prerasna vo emotivno patuvanje niz deceniite vo koi avtorot, iako so godini živee vo dalečnata Amerika, ostana papočno vrzan za svojot roden kraj i za makedonskata pesna.
Kako večen spomenik na negovata posvetenost, vo muzejot e otvorena postojana izložba vo koja se smesteni 18 negovi antologiski kompozicii. Ovie dela, meǵu koi se „Tikveški večeri“ i „Pejte Makedonci“, so godini se nevidliviot most koj gi spojuva našite iselenici vo tugjina so toplinata na tatkovinata, jazikot i korenite. Sepak, centralno mesto vo negoviot opus i vistinska „lična karta“ na negovoto tvoreštvo e bezvremenskata „Cvetanke moja“.
Ovaa pesna nosi posebna, dlaboka i intimna prikazna – taa e posvetena na negovata sopruga Cvetanka, negovata najgolema životna sila, inspiracija i bezrezervna poddrška vo site izminati četiri decenii. Zad sekoj golem tvorec stoi ljubov koja mu dava krilja, a Veškov taa ljubov uspea da ja pretoči vo stihovi i noti koi odolevaat na vremeto.
No, „Cvetanke moja“ e i spomenik na edno golemo prijatelstvo i na eden prerano zgasnat život. Svoevolno i so cela svoja duša, ovaa pesna svoevremeno ja ispea nezaboravniot Zoki Damjanov – muzičarot koj vo 2017 godina, na samo 43-godišna vozrast, zamina od ovoj svet. Iako Zoki fizički poveḱe ne e megju nas, negoviot moḱen i topol glas prodolžuva večno da živee preku kompoziciite na Risto. Preku sekoj otpean stih, tie dvajca odnovo se sreḱavaat, pregrnuvajḱi gi spomenite i prkosejḱi mu na zaboravot.
Pokraj umetničkata vrednost, na promocijata beše istaknata i humanata dimenzija na Risto Veškov. Negoviot album „Pejte Makedonci“ vo celost mu e podaren na Crveniot krst na Kavadarci, što govori deka negovoto nasledstvo ne se samo pesnite, tuku i negovata dobrina, pomošta dadena vo tišina i nesebičnoto srce.
Za negoviot lik i delo pred prisutnite emotivno govorea kustosot Angela Simonova, negoviot dolgogodišen sorabotnik Vasko Ristov, kako i pretstavnicite od Crveniot krst.
Kavadarci ušte ednaš pokaža deka znae da gi čuva svoite lugje. Risto Veškov, kade i da e niz svetot, ostanuva kavadarečkiot čovek koj ja zapiša dušata na svojot grad vo večnosta na makedonskata muzika.
Photo: FB: “Muzej Galerija Kavadarci
Biba KRNČESKA
