Vo vreme koga estradata čestopati poveḱe se potpira na vizuelniot sjaj, skandalite i instant-popularnosta, vistinskite čuvari na makedonskata muzika ostanuvaat zatvoreni megju četirite zida na studijata. Tie se arhitektite na zvukot, lugjeto koi od surovi vokali i skromni idei sozdavaat bezvremenski hitovi. Eden od najvpečatlivite i najdoslednite megju niv e Dejan Georgievski – Dzene, koj denovive odbeležuva impresiven jubilej: 27 godini od postoenjeto na negovoto „Studio Dzene“.
Kako edno od prvite privatni muzički studija vo jugoistočniot del na Makedonija, ova kreativno pribežište rečisi tri decenii e sinonim za vrvna audio-produkcija. Zad brojkata od nad 600 snimeni kompozicii ne stoi samo suva statistika, tuku ogromen del od makedonskata muzička istorija — od komercijalni pop i rok temi, preku detski refreni, pa sè do filmska, teatarska muzika i prepoznatlivi džinggeneric-reklami.
UMETNIČKI SENZIBILITET: EMOCIJA SPAKUVANA VO PRECIZNA MATEMATIKA
Profesionalniot stil na Dzene e specifičen po negovata žanrovska elastičnost. Toj podednakvo vešto pliva vo vodite na modernata zabavna muzika, no i vo dlabokite koreni na novosozdadeniot makedonski folk. Negoviot umetnički potpis e lesno prepoznatliv — toj ne ja „guši“ pesnata so prenaglasena kompjuterska elektronika, tuku sekogaš ostava prostor za živiot instrument i prirodnata boja na vokalot. Svedoštvo za ovaa negova zrelost e i sorabotkata so Lenče Kukiḱ na festivalot „Ohrid fest 2024“.
Lenče i Goran Kukiḱ gi sobraa nagradite na „Ohrid fest“.
Kako kompleten avtor na pobedničkata tema „Dobri angeli“, što ja izvede Lenče Kukiḱ, Dzene pokaža kako se balansira pomegju emocijata i festivalskiot glamur, za što so pravo ja ponese i Nagradata za najdobar aranžman.
Negoviot studiski eksperiment so istaknatiot džez-saksofonist Goce Micanov dopolnitelno ja potvrduva negovata ljubopitnost da gi preminuva granicite na komercijalnoto.
PORTRET NA UMETNIKOT: SKROMEN ERMIT VO BUČNIOT ESTRADEN SVET
Kako ličnost, Dejan Georgievski – Dzene e kompleten kontrast na denešnite trendovi na sebepromocija. Toj e isklučitelno skromen i posveten profesionalec koj izbral negovoto ime da zboruva preku odjavnite špici na pesnite, a ne niz naslovite vo mediumite. Toj e trpeliv mentor na pomladite izveduvači vo studioto i kolega koj uživa ogromna počit megju postarite estradni umetnici. Negovata posledna skromna objava na socijalnite mreži, kade so nekolku zborovi im se zablagodaruva na sorabotnicite i svojot trud duhovito go narekuva „ostala muzička skalamerija“, najdobro ja otslikuva negovata prizemnost i duhovitost. Jugoistokot, no i cela Makedonija, imaat so što da se gordeat. 27 godini „Studio Dzene“ e dokaz deka kvalitetot, istrajnosta i iskrenata ljubov kon muzikata sekogaš go naogjaat svojot pat do publikata. Čestit jubilej!
Biba KRNČESKA
