Odamna ne se slučilo izdavanjeto na nov album da predizvika tolku silen interes niz celiot region, kako što toa denovive go napravi noviot album na kultnata saraevska grupa “Crvena jabuka”, koj promotivno beše prestaven preku naslovnata numera “Neka nova jutra” i video spotot što ja prati istata.
Petnaeset novi kompozicii so retro zvuk potsetuvaat na Jabuka vo nejzinite najdobri denovi. Kako i sekogaš, temata na pesnite e ljubovta, a na mnogu od niv se provlekuvaat konturite na Saraevo.
Albumot sodrži i prerabotka na golemiot hit na “Novi fosili” – „Tonka“, koj Žera go otpea vo spomen na golemiot kompozitor i prijatel Rajko Dujmiḱ i Mario Pejiḱ, a kako poseben kuriozitet za makedoncite e prerabotkata na obnarodenata pesna, napišana od legendarniot Jonče Hristovski “Ako umram il zaginam” što Žera maestralno ja prepea.
Koga sme kaj ovaa pesna poznavačite na muzikata dobro znaat deka taa go ima predznakot narodna, dodeka “Crvena Jabuka” e grupa što sekogaš bila prepoznatliva po pop zvukot i tokmu toa dopolnitelno go podgreva interesot za prerabotenata “Ako umram il zaginam”. Sepak kolku dobro zvuči koga Žera pee na makedonski ḱe doznaeme koga ḱe započne nivnata golema promotivna turneja, a eden od prvite pogolemi koncerti e zakažan za Denot na vljubenite vo Zagrebska Arena.
I ovoj album, kako i prethodnite albumi na „Crvena jabuka“, e vo izdanie na najgolemata diskografska kuḱa vo regionot – “Croatia Records”. Avtor na poveḱeto pesni e Mirko Šenkovski – Džeronimo, koj zaedno so Dražen Žeriḱ – Žera i Laris Pašaliḱ gi potpišuva i site aranžmani na pesnite. Pokraj Džeronimo, avtorskiot tim go sočinuvaat: Dino Muharemoviḱ, Fadil Buturoviḱ, Dragana Kajtazoviḱ-Šenkovski, Mirza Hamzakdiḱ Haro, Amir Misirliḱ i Zlatan Fazliḱ.
Dodeka ne pristigne prerabotkata na „Ako umram, il zaginam“ uživajte vo spotot za naslovnata tema „Neka nova jutra“.
Biba KRNČESKA
