Strumica i godinava e vetenoto mesto za vrvnata kamerna muzika. Od 1 do 10 juni, gradot go živee jubilejnoto petto izdanie na Megjunarodniot festival na kamerna muzika „Klasika Strumica 2026“, manifestacija koja za relativno kratok period uspea da se izgradi vo prepoznatliv kulturen brend i značajna točka na muzičkata karta vo regionot.
So vnimatelno kreirana programa, eminentni domašni i stranski umetnici i raznovidni kamerni sostavi, festivalot ušte ednaš ja potvrdi svojata misija – dobližuvanje na klasičnata muzika do poširokata publika i sozdavanje prostor kade umetnosta komunicira direktno so lugjeto. Ona što započna kako ideja na grupa entuzijasti i muzički profesionalci od Makedonskata filharmonija, Nacionalnata opera i balet i Opštinskoto muzičko učilište „Boro Džoni“, denes prerasna vo respektabilen megjunaroden nastan koj go zbogatuva kulturniot život na Strumica.
Realizacijata na festivalot e poddržana od Opština Strumica, a od minatata godina i od Ministerstvoto za kultura i turizam.
Kako grad so bogata kulturna tradicija, prepoznatliv po Strumičkiot karneval, festivalot na kameren teatar i brojnite umetnički manifestacii, Strumica preku „Klasika“ dopolnitelno go zacvrstuva svojot status na značaen kulturen centar ne samo vo Makedonija, tuku i poširoko na Balkanot.
Festivalskiot selektor, prof. m-r Vasil Atanasov, istaknuva deka tokmu preku vakvite nastani se zbogatuva kulturnata ponuda na gradot i se sozdava možnost ljubitelite na klasičnata muzika da uživaat vo visokokvalitetni izvedbi na vrvni umetnici.
Spored nego, kontinuiraniot interes na publikata i pozitivnite reakcii od gostite pretstavuvaat najdobra potvrda deka festivalot uspešno ja ispolnuva svojata uloga i deka negovata megjunarodna dimenzija ḱe prodolži da se razviva i vo idnina.
Vo tekot na desette festivalski denovi, scenata beše rezervirana za raznovidni kamerni formacii – dua, tria, kvarteti, kvinteti, seksteti, kamerni orkestri i horovi, koi preku bogat muzički repertoar ponudija vistinsko uživanje za publikata.
Poseben beleg na ovogodinešnoto izdanie dadoa učesnicite od poveḱe evropski zemji.
Pokraj umetnicite od Makedonija, festivalot beše zbogaten so gosti od Rusija i Avstrija, nadovrzuvajḱi se na dolgogodišnata tradicija na gostuvanja na muzičari od Srbija, Bugarija, Grcija, Hrvatska, Slovenija i Češka. Finaleto na festivalot e zakažano za 10 juni vo NUCK „Anton Panov“, kade od 20 časot ḱe nastapi Duoto harmoniki „Two Bellows“, sostaveno od Ana Kolovska, umetnica so internacionalna kariera povrzana so Rusija i Avstrija, i Aleksandar Kolovski, makedonski muzičar koj uspešno tvori i nastapuva vo Avstrija.
Nivniot koncert pretstavuva dostojno zaokružuvanje na ušte edno uspešno festivalsko izdanie.
Pokraj umetničkata vrednost, „Klasika Strumica“ prodolžuva da ja promovira i turističkata prepoznatlivost na regionot. Gostite na festivalot imaat možnost da gi otkrijat kulturno-istoriskite znamenitosti i prirodnite ubavini na Strumica i nejzinata okolina – od Carevite Kuli, Veljusa i Vodoča, do Smolarskite i Kolešinskite vodopadi, kako i planinskite predeli na Belasica i Ogražden.
Pet godini po svoeto osnovanje, „Klasika Strumica“ pokažuva deka klasičnata muzika ima svoja publika, svoja scena i svoja idnina. Festivalot ne e samo muzički nastan, tuku kulturen most koj gi povrzuva umetnicite, publikata i različnite tradicii preku najuniverzalniot jazik – jazikot na muzikata.
Biba KRNČESKA
