Makedonskiot kompozitor i instrumentalist Goce Džukleski go zbogatuva domašnoto kulturno nasledstvo so svojot najnov studiski proekt koj go nosi naslov „Zvukot na korenite“.
Stanuva zbor za umetničko delo koe pretstavuva zbirka od avtorski instrumentalni kompozicii dlaboko inspirirani od makedonskiot folklor.
Muzičkite kritičari i poznavači velat deka ova izdanie ja potvrduva negovata dolgogodišna posvetenost na scenata. Toj vešto gi spojuva tradicionalnite motivi so soodveten sovremen izraz. Negoviot specifičen stil veḱe so decenii ostava traen beleg vo našata kultura.
Ovoj album e vkupno 26-to izdanie vo negovata bogata diskografija. Toj nudi osum novi zvučni biseri za site ljubiteli na melosot.
Na nego se naogjaat delata „Oro za veseli igraorci“, „Folklorna uvertira“ i „Oro za širok sokak“. Vo nizata se i kompoziciite „Makedonsko razigruvanje“, „Nova palanečka trojka“, „Amanet oro“, „Makedonski filigrani“, kako i osveženata verzija na dobro poznatata „Ezerska prošetka“.
Celiot materijal e izdaden pod etiketata na produkciskata kuḱa „Senator“ od Bitola.
Zad snimanjeto stoi dokažan tim od vrvni muzički profesionalci.Vo sozdavanjeto na ova patuvanje niz tradicijata učestvuvaa eminentni aranžeri i sorabotnici. Megju niv se Damir Imeri, m-r Sašo Livrinski, Slavko Risteski i m-r Naum Džukleski. Kako specijalen gostin na albumot se pojavuva i istaknatiot klarinetist i muzički pedagog m-r Blagojče Trajkovski. Negoviot klarinet dodava posebna boja na celiot proekt. Ovoj tim sozdade moderen pogled kon trajnite kulturni vrednosti.
Pokraj promocijata na ovoj album, avtorot veḱe aktivno raboti na slednite čekori vo karierata. Vo tek e podgotovkata na negovata kniga „Avtorski ora od Goce Džukleski“.
Taa ḱe sodrži notni zapisi od duri 75 negovi instrumentalni dela. Vednaš po knigata e najavena i novata vokalno-instrumentalna tvorba „Plače zorata“. Ovaa pesna e napravena vo sorabotka so poznatiot tekstopisec Milčo Jovanoski.
So ovoj sevkupen angažman Džukleski ušte ednaš dokažuva deka tradicijata ostanuva živ izvor na večna inspiracija.
Biba KRNČESKA
