Proslaveniot i najrenomiran festival na novosozdadena pesna “Folk Fest Valandovo“, godinava ja dodeluva prestižnata nagrada za životno delo na edna od najznačajnite i najistaknati folk doajeni i umetnici od ponovata makedonska, muzička istorija – Blaga Petreska. So ova priznanie, festivalot ja istaknuva svojata tradicionalna misija da im oddava počit na umetnicite koi ostavile traen beleg vo makedonskata narodna pesna, a tokmu Petreska, e edno od iminjata koi ja obeležaa festivalskata, no i narodnata novokomponirana pesna.
Ednostvano taa e umetnik so glas što ne se zaborava, tuku naprotiv, vednaš se prepoznava i ostanuva silno vrežan vo našata kolektivna memorija. E takov e glasot na Blaga Petreska, koj so decenii makedonskata narodna pesna ja pretvora vo radost i doživuvanje.
Vsušnost nastapot na Petreska otsekogaš bil neposreden i živ, bez distanca kon publikata. Vo nejzinata interpretacija ima nešto što ne se uči — vedrina i spontanost što ja pravat bliska i prepoznatliva do sekoj slušatel, do sekoja duša.
Nejziniot pat kon muzikata započnuva mnogu rano. Pesnata ja sledi ušte od najranata vozrast, vo sekojdnevieto na rodniot Prilep, kade za prvpat se ragja ljubovta kon javniot nastap i izrazuvanjeto preku glas.
Detstvoto i mladosta gi minuva vo Prilep, kade pokraj redovnoto obrazovanie go završuva i nižoto muzičko učilište, gradejḱi temeli koi podocna ḱe stanat osnova na edna dolga i seriozna muzička kariera.
Vo tie godini, slikata za mladata i vesela Blaga Petreska prilepčani ja povrzuvaat i so samoto podnebje koga pesnata se peela dodeka se nižel tutunot, a takvoto sekojdnevie mnogu brzo potoa ja odnelo na scenata, pred publika.
Pred celosno da se posveti na estradata, Blaga Petreska imala i tri godišno rabotno iskustvo kako nastavnik vo nižoto muzičko učilište vo Prilep, a potoa obrazovniot pat ja vodi vo Skopje, kade go završuva srednoto muzičko učilište i Višata pedagoška akademija.
Profesionalniot umetnički pat za Blaga potoa se otvora vo poširoki ramki. Stanuva del od horot pri operata na Makedonskiot naroden teatar vo Skopje, ostanuvajḱi aktivno povrzana so scenata i institucionalnata muzička umetnost.
Umetnickata kariera i nosi i dramski predizvici, megju koi i naslovnata uloga vo dramata „Koštana“, izvedena zaedno so bardot na makedonskoto glumište Petre Prličko, a dodeka pak prvite snimki gi realizira so orkestarot na Kočo Petrovski. Ima snimeno poveќe albumi, ploči, CD izdanija, a ostvarila sorabotka i so RTB, no i so poveќe makedonski izdavački kuḱi.
Plodnata kariera na Blaga Petreska e obeležana i so značajni duet-numeri otpeani so istaknati estradni kolegi kako što beše Goce Arnaudov so koj ja otepa maestralnata „Peam da ne zaplačam“, no i so vonvremenskiot Efto Pupinovski so koj ja izvede antologiskata „Pesnata može se“, ama i hitovskata Zoro moja Zorice“ i sekako „Kaj me zaludi Kalino“…
No ona što Blaga Petreska ja pravi posebna ne e samo nejzinata kariera, tuku i načinot na koj taa e doživeana od publikata. Taa e zvezda sto publikata ja dozivuva mosne prirodno, neposredno i spontano, taa e umetnik koj nikogaš ne ja gubi vrskata so svojata publika.
Vo tekot na dolgata kariera, nejzinoto ime ostanuva povrzano isklučivo so muzičkata freneticnot, bez nametnati skandali, bez mediumski konstrukcii i bez senzacionalizam, Petreska e poznata po svojot estraden kontinuitet, po hitovite kako “Zaljubi se”, Svirete me veselo“, „ Ti me predade“, „Sveni mi, sveni, nevene“, „Kakva sudba“, „Koj da zape“, no i po obožavanjeto od publikata.
Tokmu zatoa nejzinata popularnost ne se meri samo so hitovi ili nagradi, tuku so nešto podlaboko — so doverbata i ljubovta na publikata koja ja sledi so decenii. Taa ljubov ne e lokalna, nitu ograničena — Blaga Petreska e pejačka koja e podednakvo prifatena i sakana kade i da nastapuva, kako del od živata tradicija na makedonskata narodna pesna. I tokmu vo toa se ogleda i težinata na priznanieto što “Folk Fest Valandovo” i go dodeluva, toa ne e samo nagrada za edna kariera, tuku e potvrda za edna umetnička prikazna što trae, se pameti i se prenesuva…
Biba KRNČRSKA
