„Od istorija do Memorija“: Legendarnata makedonska rok grupa najavi koncert i dokumentarec vo 12 epizodi
Vo sredata, na 13 maj, vo prostoriite na Univerzitet Skopje, legendarnata makedonska rok grupa Memorija ja održa svojata prva PRESS konferencija na koja beše najaveni golemiot koncert zakažan za 23 oktomvri vo arenata Jane Sandanski i snimanjeto na dokumentarniot film za grupata koja opstojuva celi 43 godini.
Kako što beše potencirano na samiot voved od konferensieto na PRESS-ot, od muzičkiot novinar i voditel, no i nekogašen člen na bendot, Antonio Dimitrievski, ovoj pat konceptualno celiot koncert kako i dokumentarniot film ḱe bidat nasočeni ne samo kon istorijatot na Memorija, tuku i kon korenite na makedonskata rok muzika, na čii temeli se zasniva i sozdavanjeto na grupata, kako i celata makedonska zabavno-muzička estrada do den deneska. Ottamu i neformalniot naslov „Od istorija do Memorija…“, vo koj ḱe se ogleda koncertnata izvedba na odredeni muzički numeri koi ḱe gi izvede kako Memorija, no najmnogu del od specijalnite gosti na koncertot na 23-ti oktomvri.
Za detalite govoreše liderot i osnovač nagrupata, Petar Georgievski-Kamikaza, koj naglasi deka osven pesnite na „Memorija“ ḱe bide izvedeno del od ona što gi odbeležalo momentite na makedonskiot rok od ranite šeesti, do docnite sedumdesetti i početokot na osumdesettite, pa se do momentot koga e nastanata „Memorija“, i seto toa vo vid na audio-vizuelna koncertna i dokumentarna prikazna.
Za voved vo koncertniot spektakl preku svoeviden izbran muzički omaž se planira da mu bide oddadena počit na prerano počinatiot stožer na makedonskata pop-rok scena, muzičarot, kompozitor, tekstopisec, aranžer i producent, Toše Pop Simonov, čii avtorski pesni napraveni za Studeni noze, Ena Veko, Dario, Verica Pandilovska, Astorija… ḱe gi izvede Ivica Stojanovski Fic (eks-Studeni noze) zasilen so bend, sostaven od braḱata Ikonomovi, naslednicite na legendarniot gitarist na „Bis – Bez“, Koce Ikonomov.
Od edna interesna postava vo koja ḱe učestvuvaat poveḱe različni generacii ќe bide izvedena i kultnata himna na šeesettite, koja podocna stana i večen evergrin hit – „Dal da plačam il da peam“!
Del od specijalnite gosti ḱe bidat i nekogašnite členovi na grupata Bon-Ton, potoa Beni Šaḱiri (Non-Stop)…
Na PRESS konferencijata osven konceptot na pretstojniot koncert, beše najavena i sodržinata na dokumentarniot film za Memorija“, čii prvi edna-dve epizodi ḱe bidat posveteni na istorijata, početocite i korenite na makedonskiot rok-end-rol čij začetok datira vo početokot na 60-ite, kojšto veḱe počna da se snima kon krajot na minatata godina i se planira vo 12 epizodi da se prikažuva na MTV. Vo toj kontekst na pres-konferencijata pokraj pretstavnicite na mediumite prisustvuvaa i poznati muzički iminja, osnovopoložnici i živi legendi na makedonskata rok scena kako Dimitrija Pavlovski – Denki, Jane Kodžobašija, Dimitar Pop Pankov -Papas, Miki Jovanovski – Džafer, Granit Taki… kako i mnoštvo drugi poznati muzičari i pejači, segašnite, no i del od eks členovite na Memorija!
Po završuvanjeto na PRESS-ot sleduvaše neformalno koktel druženje, a rektorot na Univerzitetot Skopje, Ace Milenkovski vo svojot kabinet organiziraše i priem za makedonskite muzički rok legendi i osnovopoložnici na makedonskiot rok en rol od početokot na 60-ite.
Biba KRNČESKA
