Na 10-ti dekemvri 2025 godina (sreda), vo Malata sala na Filharmonija, so početok vo 19:30 časot, ḱe se održi promocijata na knigata „Tri lica na ljubovta“ od avtorot Mitko Češlarov, vo izdanie na Sigmapres. Knigata pretstavuva unikaten multimedijalen proekt sostaven od lirski zapisi, avtorski pesni i dramski tekst – tri različni formi preku koi se obrabotuvaat temi što sekoj čovek gi nosi vo sebe: ljubovta, osamenosta, kopnežot i vnatrešnite lični prikazni.
Sekoja kompozicija ima svoj lirski zapis, a vo knigata se vklučeni i QR-kodovi koi vodat direktno do site dosega snimeni pesni na oficijalniot YouTube – kanal na avtorot: https://www.youtube.com/@
Vrz osnova na tekstovite vo knigata dosega se snimeni osum avtorski kompozicii, a proektot prodolžuva so sozdavanje i snimanje novi pesni. Istovremeno, istiot koncept se podgotvuva i za Hrvatska.
Inspiracijata za dramskiot tekst „Koj sum jas“ proizleguva od načinot na koj site nie se prepoznavame vo pesnite, vo muzikata — vo stih, čuvstvo ili moment što, dodeka go slušame, ni izgleda blisko, kako da e sozdadeno za nas. Tokmu taa univerzalna čovečka reakcija posluži kako osnova od koja se razvi dramata, kako tretoto umetničko lice vo knigata.
Pesnite gi izveduvaat: Mariana Boškovska, Ana Petanovska, Goran Naumovski, Agni Avšar, Biba Dodeva, Žaklina Stevkovska i Zorica Pop Pankova.
Za del od izveduvačite, ovie pesni se nivno prvo novo muzičko ostvaruvanje po podolg period.
Avtor na muzikata i tekstovite e Mitko Češlarov, a aranžerite koi stojat zad realiziranite kompozicii se: Angel Ḱosev, Kristijan Gabroski, Stefan Petanovski, Davor Jordanovski i Vladimir Dojčinovski.
Nastanot ḱe go vodat Dragi Pavlevski i Žaklina Stevkovska, a publikata ḱe ima možnost da doživee retko umetničko iskustvo preku spoj na lirski zapisi, muzički izvedbi i dramski segmenti. Nastanot e otvoren za publika. Pristignuvanjeto e predvideno od 19:15 časot, dodeka oficijalniot početok e zakažan vo 19:30.
Biba KRNČESKA
