Vo prepolnite prostorii na Nacionalnata opera i balet vo Skopje, pred dva dena, na 6-ti noemvri, se održa svečena promocija na monografijata posvetena na eden od najsvetlite stolbovi na makedonskata muzička kultura – dirigentot Vančo Čavdarski. Nastanot, organiziran od Inicijativniot odbor za začuvuvanje na imeto i deloto na maestro Čavdarski vo sorabotka so Nacionalnata opera i balet, pretstavuvaše dlabok post festum poklon pred tvoreštvoto na umetnikot koj ja prenese makedonskata reproduktivna umetnost daleku nadvor od jugoslovenskite granici.
Nastanot beše otvoren so pozdravna reč na prof. m-r Vasil Atanasov, po što sleduvaše promotorskiot govor na prof. d-r Aleksandar Trajkovski, koj frli stručno i emotivno svetlo vrz bogatoto arhivirano značenje na ovaa kniga.
Prisutnite imaa retka možnost da slušnat odbrani citati i naslovi od informativnite mediumi so koi hronološki se sledeše razvojot na maestro Čavdarski, interpretirani so izvonredna naracija od prof. d-r Violeta Ačkoska i prof. Blagojka Filipčeva.
Kako recenzent na deloto, prof. m-r Vasil Atanasov ušte ednaš ja podvleče važnosta na ovoj pišan dokument kako traen spomenik za makedonskata muzička istorija, potencirajḱi deka „da se zboruva za makedonska muzika, a da ne se vgradi imeto na Vančo Čavdarski, bi bilo ne samo izneveruvanje, tuku i osiromašuvanje na sovremenata makedonska umetnost“.
Pokraj zborovite so koi se evociraa spomenite za negoviot isklučitelen talent – koj počnal so tambura so samo 2 žici račno izrabotena od negoviot dedo – promocijata beše oboena so vrvni muzički izvedbi. Na scenata nastapija istaknatiot bariton Boris Trajanov i pijanistite Gligor Gelebešev, Katerina Gelebeševa Kostadinovska i Darko Marinkovski, koi so svojot virtuozitet go donesoa duhot na svetskite podiumi na koi nekogaš bleskaše i samiot Čavdarski.
Pred prisutnite se obrati i samiot avtor Jovan Mazganski, koj so vidliva vozbuda go spodeli procesot na sozdavanje na ovaa kapitalna monografija, izrazuvajḱi blagodarnost do site koi pomognaa negoviot dolgogodišen trud da ja zdogleda svetlinata na denot.
Ovaa monografija ne e samo biografski zapis za umetnik koj dirigiral so nad 60 svetski simfoniski orkestri i ostvaril trajni uspesi od Belgrad i Brisbejn do Seul i Pusan; taa pretstavuva i pouka za mladite generacii.
Životniot pat na Vančo Čavdarski e primer za besprekorna posvetenost na profesijata, ljubov kon tatkovinata, upornost vo karakterot i nepokolebliv umetnički kompromis.
Svečenosta završi so zatvoranje na nastanot od strana na prof. Atanasov i prijaten koktel na koj kolegite, umetnicite i počituvačite na negovoto delo ušte dolgo spodeluvaa anegdoti za skromniot muzički gorostas koj zasekogaš go zadolži makedonskoto kulturno podnebje.
Biba KRNČESKA
