PRILEP, 4 oktomvri 2026 – Ima prestavi koi ednostavno ostanuvaat vrežani vo seḱavanjeto, ne samo kako obično kulturno doživuvanje, tuku kako emotiven nastan koj ja budi dušata. Tokmu takva magija se sluči večerva vo prepolnata sala na NUCK „Marko Cepenkov“ vo Prilep, kade hit monodramata „Menopauza“ vo izvedba na harizmatičnata Tijana Dapčeviḱ priedizvika vistinski scenski bum i gi sruši site predrasudi.
Ona što najsilno odekna vo prepolnata sala beše surovata, čista realnost na sekojdnevieto, pretočena vo vrvna umetnost koja na isklučitelno duhovit način gi krši tabuata okolu ženskoto sekojdnevie i krizata na srednite godini.
Iako Tijana so decenii go ima potvrdeno svojot visok rejting kako vrven muzičar, večerva kako akterka bukvalno briliraše na scenata.
Nejzinata izvedba beše neverojatno spontana, neposredna i prirodna – taa ednostavno ne glumeše, tuku sozdade atmosfera na topol, iskren razgovor, vo koja nema mesto za filtri i sram.
Najfascinantnoto soočuvanje so vistinata se sluči tokmu niz humorot, koga site prisutni otvoreno i od sè srce se smeeja na „ženskite problemi“ vo navodnici – od mačnite valunzi (toplotnite branovi) i suvosta, pa sè do padot na libidoto i site promeni što vo paket gi nosi menopauzata.
Posebna ubavina na večerta i dade samata šarenolikost na publikata. Namesto vo salata da preovladuvaat samo povozrasni ženi koi direktno se soočuvaat so ovoj biološki predizvik, vo prepolnata sala na Centarot za kultura “Marko Cepenkov”, se spoiija različni generacii.
Tuka imaše i mladi devojki, no i bračni parovi što zaedno sočuvstvuvaa i se smeeja, dokažuvajḱi deka pretstavata ima moḱ da educira, da razbudi dlaboka empatija kaj mažite i da gi normalizira procesite za koi čestopati se šepoti so sram.
Vo toj kontekst, ušte pogolema težina i voshit predizvika soznanieto deka zad eden vakov suptilen, dlabok i isklučitelno precizen prikaz na ženskata psihologija stoi maški avtor – pisatelot Danilo Vukotiḱ, koj pokažal genijalno razbiranje za ženskiot svet.
Za uspehot na ovaa večer da bide ušte pogolem, a prazničnata atmosfera da go doživee svojot vrv, se pogriži samoto golemo finale.
Koga na krajot Tijana so ogromna blagodarnost i se pokloni na prilepskata publika, na scenata izleze organizatorot Petar od „Eventum“.
Tog ja iznenadi umetnicata so prekrasna torta so sveḱički so brojot 50, označuvajḱi deka tokmu vo Prilep se slavi golemiot jubilej – 50-to izveduvanje na pretstavata. Zadovolstvoto da se spodeli ovoj jubileen moment i da i se pokloni na izvonrednata publika ne go propušti nitu samiot avtor Danilo Vukotiḱ, koj beše prisuten vo salata kako specijalen gostin.
Krajot na ovaa nezaboravna noḱ samo potvrdi deka organizatorot „Eventum“ poseduva isklučitelen profesionalen sens za nosenje na kvalitetni, hit pretstavi i eminentni umetnici vo Makedonija.
Nivnata vizija i sposobnost da gi prepoznaat i donesat artistite koi zaslužuvaat vnimanie e voočliva i za samata publika koja so zadovolstvo gi sledi site nivni najaveni proekti.
Na toj način se zbogatuva i domašnata kulturna ponuda koja e dolžna da go sledi sensot i interesot na publikata.
Tokmu večerašnata prestava vo Prilep potvrdi deka prilepskata publika e želna za akterski performansi koi potiknuvaat da se razmisluva od eden drug aspekt za odredeni tematiki.
Biba KRNČESKA
