Večer ispolneta so mnogu ljubov, emocija, pozitivna energija i mnogu muzika. Taka beše vo vtornikot večer na koncertnata promocija na dvata novi albumi na „Bendot na braḱa Nune“, večer za koja ḱe se zboruva dolgo, bidejḱi veḱe podolgo vreme na našata estrada vakvo nešto ne se slučilo. Polna sala so nasmeni luǵje, a takvi bea i členovite na bendot, pa kako retko koga se sozdade atmosfera kakva što može da se posaka.
Velat deka e privilegija da se saka ona što se raboti. Koga zboruvame so „Bendot na braḱa Nune“ ova i toa kako važi, bidejḱi nim muzikata im e život, a životot muzika. Zatoa se tolku dobri, zatoa se tolku počituvani. Toa se vide i na promocijata, koga vo polnata sala nikoj ne gi štedeše dlankite za da gi nagradi so aplauz i euforija posle sekoja nivna pesna. A se promoviraa 16 novi pesni smesteni vo dva albumi. Bidejḱi ovoj bend podednakvo dobro pliva i vo folk i vo zabavnata muzuika, pa taka i pesnite bea podeleni, osum folk i osum zabavni melodii. Vakvata podelba ima golemo značenje, bidejḱi bendot godinava go slavi osmiot rodenden, pa ottamu i po osum novi pesni vo folk albumot nasloven kako „Ljubov“ i zabavniot „Veruvaj mi“.
Pesnite na ovie albumi se nameneti za sečij vkus, bidejḱi edniot e namenet za ljubitelite na folk muzikata, dodeka drugiot na zabavnata. Ova e dokaz deka ovie talentirani i školuvani muzičari podednakvo dobro i uspešno plivaat i vo dvata stila. Folk albumot e nasloven kako „Ljubov“ i na nego se smsteni pesnite: „Braḱa Nune svirat večerva“, „Sine“, „Verni drugari“, „Ḱe se vratam majko“, „Verna ljubov“, „Napi se brate“, „Prsten i davam“ i „Tapanite silno mi čukaat“, koja e obeležana so spot i koja letovo stana golem hit.
Zabavniot album se vika „Veruvaj mi” i na ovoj album može da se slušnat „Ljubov što e ljubov“, pesna koja go obeleža letoto, „Veruvaj mi“, „Ništo ne znači“, „Glej“, „Život“, „Ej, devojko, devojko“, „Ljubi, ljubi, ljubi“ i „Ljubovta e najskapa“.
-Našat cel e da ostavime muzika zad nas i se nadevame deka site generacii po nas ḱe gi svirat ovie pesni i deka muzikata ḱe živee isto kako što živee od lugje što bile pred nas, reče Rade.
Filip se zablagodari na site vo bendot i za clokupnata poddrška od publikata za ona što go rabotat.
-Ova e delo na site nas vo bendot. Ovaa poddrška mnogu ni znači. Makedonska muzika nedostasuva i site treba da sozdavame, reče Filip.
„Bendot na braḱa Nune“, pokraj Filip i Rade imaat dva prekrasni vokali Mimi i Dac, prekrasni instrumentalisti Slobodan Gerovski i Robert Josimovski, a na včerašnata promocija im se pridružija i Goran Gešovski, Tanče Grozdanovski, Ratko Dautovski, Dimitar Mihajlovski i Ana i Tea, koi bea pridružni vokali.
Zad ovie dva albuma stojat i nivnite sorabotnici Mite Dimovski, Robert Bilbilov, Davor Jordanovski, Dmir Imeri i Ivan Petrovski.
Specijalen gostin včera beše eden od najdobrite majstori na harmonika vo Srbija, Borko Radivojeviḱ.
-Bez trud nema uspeh a ova e dokaz deka trudot nosi uspeh. Dobrite muzičari sekogaš se pronaoǵaat i spojuvaat. Taka i nie se spoivme. Se znaeme veḱe pet godini i braḱata Nune navistina se kvalitetni muzičari, reče Radivojeviḱ.
Po tri časa muzika, po promoviranje na site 16 pesni i po euforičnite aplauzi koi gi dobivaa završi promocijata so čestitki za uspehot. Site se složija vo edno- navistina beše promocija za pametenje.
A vakvite momenti, pokraj pesnite se sigurni čekori kon skalilata na uspehot.
Koga stanuva zbor za „Bendot na braḱa Nune“ nesomneno e taka, bidejḱi so novite pesni i so promocijata pokažaa deka ne samo što se so široko srce i golema duša, tuku i deka vratata na uspehot za niv veḱe e široko otvorena.
Biba KRNČESKA
