Postojat prikazni koi ja nadminuvaat ličnata bolka i se pretvoraat vo večna svetlina, inspiracija i duhoven patokaz. Edna takva, dlaboka i avtentična prikazna za neraskinlivata vrska megju majkata i ḱerkata, povtorno ḱe gi obedini srcata na makedonskata javnost.Našata poznata pejačka, voditelka i avtorka Julija Macievska, vo presret na rodendenot na svojot angel – prerano počinatata akademska slikarka Andrijana Maciev, go najavuva 12-toto po red izdanie na kulturno-edukativnata i duhovna manifestacija „Ljubov za site“.
Nastanot ḱe se održi na 15 septemvri (vtornik), so početok vo 19:30 časot, vo prekrasniot ambient na Muzejot na makedonskata revolucionerna borba vo Skopje.
„ANDRIJANA, ANGEL NEBESEN“ – VELIČESTVENA I PRETEŠKA ISPOVED NA EDNA MAJKA.
Poseben i najkatarzičen moment na pretstojniot nastan ḱe bide skopskata promocija na najnovata pesna na Julija, naslovena „Andrijana, angel nebesen“, za koja e snimen i videozapis. Ovaa kompozicija, koja Julija sama ja sozdade kako avtor na muzikata i tekstot (so aranžman na Cane Petrov), neodamna beše premierno izvedena na Lešočkiot folk fest, kade predizvika lavina od emocii.
Da se ispee pesna za sopstvenoto čedo koe zaminalo vo večnosta e podvig koj e rečisi nadvor od čovečkite granici. Toa e veličestveno, no voedno i preteško delo za edna majka. Dodeka ja izveduva, Julija vo sekoj ton i zbor ja pretočuva seta svoja bolka, no i seta svoja beskrajna ljubov, pokažuvajḱi nadčovečka sila. Ovaa pesna ne e obična kompozicija – taa e živ spomenik, krik na majčinskoto srce koj dopira do neboto i himna na edna večna, neraskinliva duhovna vrska.
Publikata vo Skopje za prvpat ḱe ima možnost da go pogledne i videozapisot koj vizuelno ja zaokružuva ovaa moḱna poraka.
„POVEḰE OD MANIFESTACIJA – SPODELUVANJE NA ČISTA DUŠA“.
Iako inspirirana od bogatiot, no prerano prekinat životen pat na Andrijana, ovaa manifestacija e avtorsko delo na Julija nameneto za site onie koi se podgotveni duhovno da rastat. Veḱe četiri godini, tradicionalno za rodendenot na Andrijana i za denot na nejzinoto zaminuvanje vo večnosta, ovoj nastan patuva niz gradovite vo Makedonija i nadvor od nea, ostavajḱi gi site prisutni so solzi vo očite, no i so ispolneti duši.
Godinašnoto skopsko izdanie nosi isklučitelno bogata umetnička programa koja pretstavuva vistinska ispoved na dušata:
- Izložba na 20 likovni dela: Posetitelite ḱe imaat retka možnost da uživaat vo raskošniot talent na Andrijana preku nejzinite avtentični slikarski platna. Taa gi završi svoite dodiplomski i postdiplomski studii na Fakultetot za likovni umetnosti vo Skopje, ostavajḱi zad sebe prepoznatliv beleg vo makedonskata umetnost.
- Muzička i video premiera: Premierno vo Skopje ḱe bide pretstavena najnovata emotivna pesna na Julija, posvetena na nejzinata ḱerka – „Andrijana, angel nebesen“, koja prethodno beše izvedena na Lešočkiot folk fest. Muzikata i tekstot se na Julija, a aranžmanot i produkcijata na Cane Petrov. Zaedno so pesnata, za prvpat ḱe bide prikažan i nejziniot videozapis.
- Publikata ḱe se zapoznae so trite knigi posveteni na Andrijana – „Ljubov za site 1“, „Ljubov za site 2“ i najnovata, nivna zaednička avtobiografska kniga pod moḱniot naslov „Jas sum živa“.
Na scenata, Julija nema da bide sama. Kako nejzin „veter vo grb“, vo programata ḱe zemat učestvo eminentni iminja od makedonskata muzička scena i glumišteto, koi preku svoite nastapi ḱe pomognat da se dolovat avtentičnite emocii.
A na krajot, tokmu onaka kako što beše golemata želba na Andrijana – ḱe se slavi životot. So rodendenska torta, sveḱički, nasmevki, pa i solzi, prisutnite ḱe go odbeležat nejziniot 16-ti septemvri. Zatoa što umetnicite nikogaš ne si zaminuvaat, tie ednostavno se preseluvaat vo večnosta kade što prodolžuvaat da tvorat so najubavite boi na ljubovta.
Vlezot e otvoren za site koi sakaat da bidat del od ovaa večer na umetnost, duhovnost i večna majčinska ljubov. „Ljubov za site“ – zatoa što ljubovta e edinstveniot jazik koj site go razbirame.
Biba KRNČESKA
