Makedonskata muzička scena denovive e zbogatena so vistinsko vizuelno i audio remek-delo. Popularnite „Kompas bend“ ja branuvaat javnosta so nivniot najnov visokobudžeten proekt za pesnata „Baobab“, čii kadri se snimaa na edna od najatraktivnite svetski destinacii – magičniot grčki ostrov Santorini.
Zad besprekornoto funkcioniranje na ovoj muzički sostav stoi jadroto na bendot. Kako frontmen, vistinski „mozok“ i vizioner na grupata se potpišuva Ljupčo, koj zaedno so dogogodisniot sorabotnik i kolega Miško, ja sočinuvaat onaa maška strana na bendot na koja mošne superiorno im parira edinstveniot prestavnik od ženskiot rod, šarmantnata i profi Ivana. Vsušnost ovaa trojka go sočinuva muzičko – kreativniot tim, i tokmu nivnata zaednička posvetenost i sinhronizacija, pridonesoa vo posledniot period izborot na pesni da im e se podobar i podobar.
Tokmu nivnata posledna pesna “Baobab” go potvrduva kriteriumot sto bendot go gradi, a pozadi kompletnata studiska realizacija na pesnata stoi avtorot Zoran Rudan Ceki.
No, ona što ovaa poesna ja dopolni vo vistinska smisla na zborot e sekako vizuelnata sovršenost i režijata koja bendot ja doveri na dokažanite Dario i Ana Marija Jankoviḱ.
Spotot, koj sovršeno ja dolovuva letnata magija preku kontrastot na siniloto i prepoznatlivata bela arhitektura na ostrovot Santorini, vednaš gi osvoi simpatiite na publikata.
Samata pesna „Baobab“ ušte pri prvoto slušanje se nametnuva kako vistinsko osvežuvanje na letnata ponuda. Stanuva zbor za kompozicija koja nosi svež I vesel ritam, moderna produkcija i isklučitelno zarazna melodija što brzo velguva vo uvo. Namesto voobičaenite letni klišea, pesnata nudi pametno izgraden aranžman koj postepeno kulminira, nadopolnet so emotivniot i karakterističen vokal na Ivana.
Pokraj audio uživanjeto, pesnata nosi i silna simbolika vo samiot tekst. Naslovot „Baobab“ e iskoristen kako moḱna metafora za složenosta i težinata na ljubovnite odnosi. Isto kako masivnoto afrikansko drvo so dlaboki koreni i granki koi ličat na rogovi, taka i kompliciranata ljubov može da pušti dlaboki koreni, no i da donese težina i somneži kaj partnerite.
„Zboruvajte sekogaš na jazikot na muzikata i ljubovta. Neka tie vladeat so svetot“, e glavnata poraka što Ljupčo, Miško i Ivana ja ispraḱaat preku ova nivno novo remek-delo.
DISCIPLINA NA NIVO: BUDENJE VO 3 ČASOT NAUTRO ZA SOVRŠENI KADRI
Deka zad ubaviot spot stoi surov profesionalizam, svedočat i detalite od zad scenata. Kako što otkriva vokalistkata na bendot, Ivana, kompletnata ekipa patuvala so feribot do ostrovot, kade što sekoj detal bil planiran do perfekcija pod budnoto oko na členovite na bendot.
„Prviot den celosno go posvetivme na izbor na lokacii vo dvata dela na ostrovot. Veḱe od sledniot den započna vistinskoto tempo. Stanuvavme vo 3 časot nautro za da gi fatime prvite zraci i da snimime sè pred da započne ogromnata metež so turisti“, spodeluva Ivana.
Za potrebite na videoto, timot angažiral i lokalni rekviziti – prekrasen iznajmen oldtajmer avtomobil i konji, koi dale posebna avtentična nota na videoto.
Sepak, najubavite prikazni gi pišuva samiot moment. Snimanjeto na plažata donelo anegdota koja ekipata dolgo ḱe ja pameti. Imeno, eden od iznajmenite konji pokažal deka ima izvonreden sluh za dobra makedonska muzika.
„Imavme poveḱe sceni so konjot – javanje, odenje po plaža i kadar kade što toj trebaše mirno da stoi dodeka jas peam. No, sekoj pat koga ḱe go puštevme zvučnikot so pesnata, konjot reagiraše! Bukvalno igraše i praveše nekoi dviženja na radost na sekoj možen dubl. Se smeevme vo ekipata deka konjot navistina razbira dobra pesna i deka ednostavno se zaljubi vo ‘Baobab'“, niz nasmevka otkriva Ivana.
So ovoj proekt, „Kompas bend“ ušte ednaš dokažaa deka so lider kako Ljupčo i stabilni členovi kako Miško i Ivana, makedonskite muzičari možat i znaat da sozdadat produkt koj parira na svetskite top-listi, ne žalejḱi resursi i trud za da i go ponudat najdobroto na svojata verna publika.
Biba KRNČESKA
