Krajot na avgust tradicionalno ni gi donese festivalite vo poln ek. Ni priredi nekolkudnevno, naizmenično muzičko doživuvanje vo različni gradovi, nudejḱi rapsodija od žanrovi, vkusovi i melodiski formi koi nè razgalija i nè raspoložija.
Festivalot na šegojbijnata pesna „Tumba Fest“ beše prviot so koj započna ova muzičko patuvanje, koe nè odvede vo Kumanovo – gradot na humorot, gostoprimstvoto, dobrata pesna, no i na dobriot majtap.
Tamu srdečnite domaḱini, direktorot na „Tumba Fest“, Dragan Jakim, i negoviot sorabotnik – kompozitorot i producentot Goran Milošeski, koj veḱe vtora godina e negova desna raka, ni priredija prečekuvanje za medal.
Ubaviot doček ne možea da go rasipat nitu previsokite temperaturi, nitu mnogute tekovni organizaciski predizvici okolu binata i TV-prenosot so koi se soočuvaše ekipata. Naprotiv, organizatorite najprvo nè odnesoa na kafe-družba, kade što ni se prikluči i kumanovskiot brend Nino Veličkovski. Vo našeto društvo odlično se vklopi i mladiot Hrvat, Mateo Švast, koj dopatuva od Germanija za da učestvuva tokmu na godinašniov „Tumba Fest“.
Zabavata započna so šegi, majtapi, dosetki i vicevi bez kraj, no so mnogu smisla i šarm.
Potoa sleduvaše ruček, no i relaksacija vo apartmanite koi godinava ni bea na raspolaganje. Vo taa smisla, moram posebno da istaknam deka „Tumba Fest“ voočlivo gi podobri standardite kon novinarskata fela, koja sekogaš so zadovolstvo go sledi ovoj šegojbien festival.
Vovedot vo večerta beše voedno i voved vo festivalskata magija. Poln ploštad so lugje, mnogu gosti od sekade, srdečni pregratki, svečeni toaleti, dragi estradni faci i mnogu pozitivna energija. Se čekaše šouto da započne, pa na zadovolstvo na mnogubrojnata publika, po 14-ti pat odekna pesnata vo poln sjaj.
Miško Mikele Srbinovski beše prviot učesnik koj ja otvori programata so originalnata tema „Of mori babo“. So bastunot vo race, toj slikovito ja dobliži prikaznata koja na šegovit način go preslikuva merakot i vo najzrelite godini. Potoa, gostinot od Vranje, Marjan Dragiḱ, porača „Nemoj mala da ljubiš pevača“ i se pretstavi pred makedonskata publika vo odlično vokalno i scensko svetlo.
Sleduvaa Krume Spasovski i akterot Vlado Dojčinovski, od koi – mora da priznaam – očekuvav mnogu poveḱe. No, se čini deka tolkav beše dometot na samata pesna, pa izveduvačite ne možea da napravat čudo.
Vednaš po niv, na scenata stapi atraktivniot bend od Srbija „Savršen dan“, koj e najbroen i generaciski najšarenolik. Ovaa godina tie nastapija so pesnata „Mi južnjaci veseljaci“ i se potrudija svojot južnjački temperament celosno da go prenesat preku nastapot.
Potoa go vidovme i čuvme Kire Naunovski so temata „Potam povam bre“, sodadena vo tradicionalen naroden duh.
Po nego sleduvaše nastapot na gostinot od Hrvatska, Mateo Švast, koj so temata „Donka Makedonka“ site nè razmrda. Toj pokaža kako može da izgleda eden odličen spoj od dvojazičen narativ, koj prekrasno go preslika različniot temperament na dve nacii koi vo ljubovta naogjaat kompromis.
Sleden beše Sašo Trajkovski, koj odlično ja izvede pesnata „Ženska usta“ – refren koj ni zvučeše poznato, no najverojatno samata pesna imaše nov remiks i, sekako, nov izveduvač. Tretiot blok go zatvori vrckavata i atraktivna Vukica Čelebieva, koja so svoeto „fustanče boje lila“ napravi vistinski dar-mar na scenata.
I taman pomislivme za moment deka Vukica go postigna vrvot na raspoloženieto kaj publikata, nè razuveri nastapot na specijalnata gostinka Lenče Kukiḱ. Taa ovoj pat na „Tumba Fest“ beše so poseben povod – da ja primi nagradata za trajni vrednosti što ja dodeli festivalskiot sovet, a ì ja vrači pretsedatelkata na Sovetot na Opština Kumanovo, Ivana Gjorgjievska.
Lenče, vo manir na golema zvezda poznata po svoeto biserno grlo i večna nasmevka, srdečno ja primi nagradata. Potoa im se zablagodari na site avtori koi niz godinite ì napišale pesni za „Tumba Fest“ i gi otpea vo eden zdiv, podignuvajḱi go raspoloženieto na najvisoko nivo. Posebno interesna beše izvedbata na nejzinata kultna tumbovska pesna „Edna kuḱa na dve ženi“, koja svoevremeno ja izvede so legendarnata Petranka Kostadinova. Ovoj pat, tokmu Lenče go otpea delot na Petranka, dodeka nejziniot vokalen del go prezede mladata Vasilija Petrova, koja odlično se vklopi vo šou nastapot.
Po nastapot na Lenče, se sluči ušte edna magija na scenata.
Ja vidovme poznatata džez-vokalistka Katerina Nikolovska-Micanova, koja nekogaš beše mnogu prisutna na festivalskata scena. Ovoj pat, vo pridružba na kumanovskite avtori Bobi Petkovski i Slagjan Staniškovski, taa ja izvede vonseriski dobrata kompozicija „Ako ti e“. Slobodno može da kažeme deka ova vokalno delo ima evroviziski kapacitet i deka e pesna koja ne može sekoj da ja otpee tolku vpečatlivo i moḱno kako što toa go napravi Katerina.
Potoa festivalskata programa prodolži so nastapot na Taško Karanfilovski, za kogo može da se kaže deka e vistinski zaštiten znak na „Tumba Fest“. Toj e pejač koj sekogaš na ovoj festival izveduva hitovi i veseli pesni koi publikata gi nagraduva so silni aplauzi. Taško i ovoj pat go opravda epitetot za najvesel resenčanec, no i najpozitiven folker – razigran, raspean i nasmean.
Po nego na scenata se pojavi kumanovskoto duo koe sè počesto nastapuva zaedno: Bobi Amadeus i vrckavata Tatjana Jovanovska. Tie vo duet ja izvedoa pesnata „Od kafanu ne iskačam“ i gi raspoložija site so svojata koreografija i spontan nastap koj go vodeše Tatjana, a Bobi odlično ì pariraše.
Voditelkata Suzana Apostolova potoa ja najavi nagradata za najslušana pesna megju dva festivala. Ovoj pat priznanieto otide vo racete na Rade Mladenovski za hitot „Rakija“, koj spored mediumskata statistika bil najmnogu vrten po radiostanicite. Zablagodaruvajḱi se na nagradata, Rade posebno go pozdravi „Zona Radio“, koe značitelno pridonelo ovaa pesna da stigne do prestižnoto priznanie.
Po Rade, na scenata stapi šmekerot od Bitola, Borče Naumovski – Ministerot, koj peeše za „Bitolskite čupinja“.
Vednaš po nego, scenata ja prezedoa dominantnite ženi na čelo so Jovanka Jo. Tie ja podignaa atmosferata so ženskata himna „Blažena sam megju žene“, poračuvajḱi deka ženite umeat i sami odlično da se zabavuvaat. Na Jovanka Jo ušte ednaš ì se nasmevna sreḱata da dobie vrvna pesna so originalen tekst i vesel ritam.
Samoto finale beše rezervirano za najdobrite kumanovci. Pobednikot od godinašnoto šou „Nikad nije kasno“, Viktor Dimitrievski, koj otpea orginalna I preubava pesna vo čardaš manir, „Padni stani“, i ja podigna publikata na noze, a festivalot svečeno go zatvori etabliraniot bariton Nino Veličkovski. So svojot scenski šarm i atraktivna tančerska pridružba, toj na pesnata „Ripam vir u šešir“ ì dade kompletna estetska dimenzija.
So završuvanjeto na oficijalnata programa, festivalskata fešta vo Kumanovo ne zapre. Organizatorite i ovoj pat imaa isplanirano after-party, koe se održa vo pročuenoto Etno selo „Trimčevski“, kade što nè dočeka prekrasno ureden ambient i bogata večera. Gostite uživaa vo degustacijata na makedonski specijaliteti, no i vo preubavata spontana zabava na koja mikrofonot naizmenično go delea pejačite.
Zapea i samiot direktor na festivalot, Dragan Jakim, koj ja otvori večerta so pesnata „Jesen u mom sokaku“.
Malku trebaše za prisutnite da se opuštat, pa nabrzo započna vistinska žurka. Na nea se zabeleža kolku našite pejači se podgotveni za dobra zabava i kolku vladeat so bogat repertoar. Taka, čuvme deka Borče Ministerot odlično pee stranski kompozicii, deka na Kire Naunovski odlično mu ležat bosanskite pesni, a Vukica super se snaogja vo duet izvedbite. So eden zbor, site izveduvači se potrudija so svojata energija da ja zbogatat večerta.
Sepak, najgolemoto iznenaduvanje beše mladiot Mateo od Hrvatska. Toj samoinicijativno go zede mikrofonot i gi iznenadi site koga počna da ja pee „Lihnida kajče veslaše“ na čist makedonski jazik, dokažuvajḱi kolku dobro ja poznava i ja saka makedonskata pesna.
Koga gledame stranci kako Mateo, koi umeat da proniknat vo sržta na našiot melos, ne može a da ne bideme svesni za ubavinata što ja poseduva našata pesna i kolkva e golema nejzinata moḱ, koja splotuva i oblagoroduva.
Na krajot, samo ḱe kažam: „Tumba Fest“ e festival so duša. Festival koj, osven što gi neguva dijalektite i šegata, ja neguva i radosta. Zatoa što bez nea nema ništo, a so nea ima sè.
Da živee „Tumba Fest“ – bez da pravime test, toj e „the best“!
Biba KRNČESKA
