Prilep ušte ednaš dokaža zošto ja nosi titulata za najdobar leten domaḱin vo regionot. 23-to izdanie na “Festivalot na pivoto” gi isprati svoite posledni gosti, ostavajḱi zad sebe tri večeri ispolneti so emocii, splotenost i polni ploštadi. Muzičkata programa godinava gi zadovoli site vkusovi: lokalnite rokeri “The Hounds” ušte ednaš gi osvoija srcata na domašnata publika, Jordan Mitev donese vrvna praznična atmosfera, a Milica Pavloviḱ ja krena energijata do maksimum. Sepak, emotivniot vrv na festivalot beše rezerviran za golemata Jelena Rozga. Taa se vrati vo Prilep po celi 12 godini i pokaža što znači vistinska ljubov kon publikata, pravejḱi go svojot povratnički koncert ušte podobar od prethodniot. No, nema vreme za odmor. Veḱe od denes započnuvaat novite 365 dena na planiranje, kreativnost i naporna rabota za slednoto, 24-to izdanie. Kako se gradeše ovoj uspeh i što ne očekuva slednoto leto, otkriva Gradonačalnikot na Prilep Dejan Prodanoski:
Završi ušte edno izdanie na “Festivalot na pivoto” – manifestacijata so koja vsušnost započna erata na gradski narodni fešti, koja Prilep go pozicionira na pivskata mapa kako grad so festivalska tradicija, na koja se degustira pivo i skara. Ova izdanie za vas beše i svoevidno “ogneno krštevanje”, zatoa što za prv pat ste vo uloga na Gradonačalnik i prv čovek na gradot, i ja nosite kompletnata odgovornosta za celokupnata organizacijata. Kolku ste lično zadovolen?
Dejan Prodanoski – gradonačalnik na Prilep: “Jas lično sum prezadovolen od ona što se sluči vo izminatite tri festivalski dena vo Prilep. Spored moite lični procenki, poveḱe od 40.000 iljadi lugje prodefiliraa ovde na festivalot. Smetam deka izveduvačite bea odbrani po sečij vkus, zadovoleni se site vkusovi – narodni izveduvači, izveduvači od Balkanot, alternativna scena, se za vkusot na moite prilepčani, mislam deka ova e odlično da pokažeme deka festivalot na pivoto vo Prilep povtorno si go vraḱa svojot sjaj i deka dogodina ḱe imame ušte pouspešen festival od ovoj godinava”.
Velat so završuvanjeto na festivalot, započnuvaat veќe sledniot den podgotovkite za novoto izdanie. Što možete ušte sega da ni najavite? Može li publikata da očekuva novi sodržini, koncepti, pogolemi muzički iminja ili nekoi drugi iznenaduvanja što ḱe go napravat sledniot Festival na pivoto ušte pospektakularen?
Dejan Prodanoski – gradonačalnik na Prilep: “Da najavam deka Prilep ne zastanuva tuka so festivalot. Prodolžuvame vo tekot na cel mesec avgust. Od naredniot četvrtok prodolžuvame so programata “Od nula do kultura”, počnuvame so prvite vikendi vo avgust so nova programa, so novi festivali – cel mesec. Veḱe od 5-ti septemvri ḱe započneme so organizacija na “Novogodišniot bazar”, koj što go imavme i minatata godina, a paralelno ḱe se dogovarame so novi muzički izveduvači koi što ḱe bidat po vkusot na moite prilepčani za slednoto 24-to izdanie vo 2027-ma godina na tretiot vikend vo juli posle golemiot hristijanski praznik Petrovden i veruvam deka ḱe ponudime ušte podobra zabava i ušte podobri izveduvači od ovie godinava što gi imavme”.
Na što konkretno bi porabotile vo idnina, koga e festivalot na pivoto vo prašanje, odnosno kako nov Gradonačalnik dali imate nekoi novi predlozi, ili možebi voočivte odredieni nedostatoci koi bi gi promenile?
Dejan Prodanoski – gradonačalnik na Prilep: “Od ona što godinava kako nedostatoci gi vidovme, e deka ni treba kompletna reorganizacija na ploštadot “Aleksandrija” ovde vo gradot, i mislam deka narednata 2027-ma godina se do otpočnuvanjeto na novoto festivalsko izdanie ḱe imame novo ruvo ako može taka da se kaže, odnosno planirame ploštadot “Aleksandija” da go proširime, za da imame poveke prostorot za site posetiteli, odnosno za site da se čustvuvaat ispočituvano, i da bidat što e možno poblisku do golemata scena. Se nadevam deka nema generalni zabeleški od ona što se slučuvaše na 23-to izdanie i deka ne napravivme nekoja poseriozna greška, a site nenamerni greški koi što se slučile kon bilo koj posetitel, ja koristam prilikava za da se izvinam. Smetam deka se pomina vo najdobar red, bezbednosta vo nitu eden slučaj ne beše prekršena, mislam deka nitu eden incident ne se sluči i smetam deka ova e isklučitelno odlična organizacija. Za dogodina, samo da otkrijam ekskluzivno, bi ponudile plus sodržini koi što treba da gi popolnat dnevnite aktivnosti za vreme na festivalot, a večernata programa generalno bi ostanala ista”.
Biba KRNČESKA
