Ilina i Eva Sokolovski se makedonska sportska gordost, a toj epitet zasluženo go dobija, bidejḱi skoro edna decenija nosat samo medalji vo ritmička gimnastika vo Germanija.
Dokaz za toa deka Makedonija navistina treba da se gordee so niv e i posledniot natprevar kade Ilina osvoi zlato, a Eva bronza. Ovoj vikend Ilina i Eva se natprevaruva vo Verl, vo Severna Vestvalija na natprevarot Gaumeisterschaften 2024, koj e turnir so tradicija.
Iako imaa silna konkurencija, sepak, Ilina(17) go osvoi prvoto mesto, dodeka Eva(14) go osvoi tretoto mesto . No, i dvete nemaat vreme da se izraduvaat na medaljite, bidejḱi nivnata pobednička misija prodolžuva ponatamu, na internacionalni natprevari.
Ilina ovoj turnir go smeta kako zgrevanje, bidejḱi idnata nedela zaminuva na eden od najgolemite turniri po ritmička gimnastika vo Estonija, dodeka Eva na ovoj turnir gi kompletiraše novite koreografi so koi ḱe nastapi na juniorskoto Balkansko prvenstvo po ritmička gimnastika koe ḱe se održi vo Bosna.
Dvete na ovie internacionalni natprevari ḱe ja predstavuvaat Makedonija. Osven toa Ilina so golema pomoš od Makdonskata federacija za gimnastka na čelo so pretsedatelot Ljupčo Arnaudov, ḱe ja predstavuva Makedonija na Evropsko prvenstvo po ritmička gimnastika vo seniorska konkurencija, koe ќe se održi od 20-26 maj vo Budimpešta.
-Zaminuvam za Estonija, svesna sum deka ḱe se natprevaruvam so elitata po ritmička gimnastika. Posakuvam sekako, no ne očekuvam da se sluči nešto pogolemo. Sakam samo da si giizmeram silite so najdobrite, da gi pokažam moite novi koreografii i ednostavno ova učestvo da mi bide podgotovka za nastap na Evropskoto prvenstvo vo Budimpešta, veli Ilina.
Ovie dve makedonski sonca so roditelite živeat i rastat vo Germanija. Iako se so makedonski pasoš Germanija se gordee što gi ima, bidejḱi i dvete nižat samo uspesi, a Ilina i poradi rezultatite i poradi talentot veḱe se natprevaruva vo Bundes ligata.
Od minatata godina Ilina i Eva počnaa da ja predstavuvaat Makedonija na internacionalni natprevari. Nivniot son e eden den da gi branat boite na makedonskoto zname na Olimpijada.
Biba KRNČESKA
