So dve nezaboravni festivalski večeri ispolneti so muzika, emocii i iljadnici aplauzi, spuštena e zavesata na 33. izdanie na Internacionalniot muzički festival „Ohrid Fest – Ohridski trubaduri“.
I ovaa godina scenata na Dolni Saraj ušte ednaš potvrdi zošto poveḱe od tri decenii e simbol na najgolemiot leten muzički spektakl vo Makedonija i edno od najprepoznatlivite festivalski slučuvanja vo regionot.
Festivalot započna so tradicionalnata Folk večer, na koja bea pretstaveni novi kompozicii inspirirani od makedonskata muzička tradicija i prepoznatliviot ohridski melos.
Publikata imaše možnost da uživa vo nastapite na iskusni muzički iminja, no i na novata generacija izveduvači koi uspešno ja prodolžuvaat festivalskata prikazna.
Najgolemite simpatii od publikata gi osvoija Aneta Ljumakovska i „Aneta bend“, koi so pesnata „Srcevo te bendisa“ ja ponesoa pobedata na Folk večerta.
Vtorata nagrada od publikata mu pripadna na Boban Zafirovski za „Ohrid ḱe poludi“, dodeka tret beše Petar Nečovski so „Muabet bez kraj“.
Stručnoto žiri za najdobra kompozicija ja proglasi „Nema vino što bolkata ja leči“ vo izvedba na Milovan Sekulovski i Grupa Saraj, vtorata nagrada ja dobi Pero Hristov za „Posle tebe“, a tretata Ivana Serafimova so „Dosta e“.
Nagradata za najdobar debitant ja osvoi Angela Vlintovska, priznanieto za interpretacija ì pripadna na Blaga Petreska, dodeka pesnata „Cvet srede zima“ na Mirko Vratoski beše proglasena za najtrubadurska kompozicija.
Nagradata „Ace Angeleski“ ja dobi Laze Sekulovski, a priznanieto od akreditiranite novinari mu pripadna na Nino Veličkovski.
Vtorata festivalska večer beše vo znakot na sovremeniot pop zvuk i internacionalniot karakter na festivalot.
Pobednik spored glasovite na publikata stana Milan Bujakoviḱ od Srbija so pesnata „Srce lava“, dodeka Natalija Danailova so „Bidi svoj“ i Valdera so „Skršeno staklo“ gi osvoija vtoroto i tretoto mesto.
Stručnoto žiri najvisoko ja oceni kompozicijata „Dur postojam“ na Stefan Spiroski, vtoroto mesto mu pripadna na Dimče Angeleski za „Kula od karti“, a tretoto na Stevan Fedi za „Kasno shvatam“, koj beše nagraden i za najdobra interpretacija. Megju ostanatite priznanija, Srgjan Marjanoviḱ i Brano Likiḱ ja dobija nagradata za najdobar duet, Stefan Petanovski za najdobar aranžman, a Nemanja Gjorgjeviḱ za najdobar tekst i nagradata „Dolni Saraj“.
Za najdobar scenski nastap beše nagraden Stefan Spiroski, Elma Oria beše proglasena za najdobar debitant, dodeka priznanieto od akreditiranite novinari im pripadna na Jule i Baže Marotovi. Poseben moment na festivalot beše dodeluvanjeto na priznanie za uspešna 50-godišna televiziska kariera na legendarnata Suzana Mančiḱ.
Nagradata za najuspešna kompozicija po izbor na Naxi Radio ja osvoi Marija Naumovska so pesnata „Večerva“, dodeka priznanieto za najtrubadurska pesna mu pripadna na Alen Rosi za „Sidro ljubavi“.
Po triumfot, Milan Bujakoviḱ porača deka Makedonija ja čuvstvuva kako svoja vtora tatkovina, istaknuvajḱi deka sekogaš so golema radost nastapuva pred makedonskata publika.
So završuvanjeto na godinešnoto izdanie, „Ohrid Fest – Ohridski trubaduri“ festivalskiot tim i organizacija ušte ednaš pokažaa deka ostanuvaat verni na svojata misija – da sozdavaat novi pesni, da otkrivaat novi muzički iminja i „Ohrid Fest“ da bide mesto kade što tradicijata i sovremeniot zvuk uspešno se spojuvaat.
Završi ušte edno uspešno festivalsko poglavje, a novite kompozicii otsega go započnuvaat svojot život nadvor od festivalskata scena, ostavajḱi traen beleg vo makedonskata i regionalnata muzička produkcija.
Biba KRNČESKA
