Maleševskiot region se podgotvuva za svojot najgolem muzički bum godinava. Dodeka mnogu gradovi vo zemjava nudat miren juli, Pehčevo vikendov ḱe pulsira vo ritamot na tradicijata i modernata zabava.
Vo čest na golemiot praznik Pavlovden, na 10 i 11 juli gradot ḱe bide domaḱin na novoto izdanie na tradicionalniot Festival na duvački orkestri.
Ovaa manifestacija odamna gi nadmina lokalnite granici, prerasnuvajḱi vo regionalen magnet za iljadnici posetiteli koi baraat nezaboravno iskustvo i druženje do ranite utrinski časovi.
Oficijalniot start na festivalot e zakažan za petok (10 juli), koga scenata vo Pehčevo ḱe prečeka šarenolika postava na izveduvači.
Česta da ja otvorat programata ja imaat členovite na „Maleševska kitka“, po što sleduvaat nastapite na „Kverkus Bend“, Matej i Bojana Ǵjuzelova.Specijalen akcent na večerta ḱe stavat virtuozite na trubata od Srbija, Bojan i Bogdan Ristiḱ, koi so svoite duvački instrumenti ḱe ja zagreat atmosferata do maksimum.
Kulminacijata na petočnata večer mu pripaǵa na legendarniot balkanski pejač Keba, koj pred publikata ḱe gi izvede svoite bezvremenski hitovi. Završnicata na prvata noḱ e rezervirana za energičnite „Brass Brothers“, koi ḱe gi zabavuvaat najizdržlivite so muzika do mugri.
Vtorata pak festivalska večer, na 11 juli (sabota), započnuva so sodržini posveteni na najmladite. Po završuvanjeto na bogatata detska programa, sleduva nov muzički maraton.
Sabotniot lajnap go otvora dobro poznatiot sostav „Belo kopče“, koi so svojata bezvremenska muzika ḱe napravat odlična uvertira za ona što sleduva. Vednaš po niv, scenata ḱe ja prezeme edna od najatraktivnite regionalni pop-dzvezdi na denešnicata, Teodora Džehveroviḱ.
Golemoto finale na ovogodinešnoto festivalsko izdanie ḱe go zaokruži Ike De Koka, čija zadača e da ja zadrži visokata energija na publikata do dlaboko vo noḱta.
Festivalot na duvački orkestri vo Pehčevo veḱe so godini ne e samo obična muzička manifestacija. Toj stana avtentičen brend na Maleševijata, sinonim za silna emocija, tradicija i mesto kade što se spojuvaat site generacii.
Organizatorite najavuvaat vrvno ozvučuvanje, besprekorna atmosfera i iljadnici nasmeani lica koi povtorno ḱe dokažat deka letoto vo Makedonija započnuva tokmu so silniot ritam na pehčevskite trubi. Posetete go Pehčevo na 10 i 11 juli i bidete del od prikaznata što dolgo se pameti!
Biba KRNČESKA
