Skopskiot lokal „Tribeka“ beše svedok na istoriski moment za makedonskata estrada. Po celi 20 godini javno na scena povtorno zaedno zastanaa legendarnite bliznački Marijana i Rosana, na zabava koja ja organiziraa Dragan Spasovski – Dac i Aleksandar Mitevski. Publikata vo eden glas i so mnogu emocii gi peeše bezvremenskite hitovi „Priznavam“ i „Edno srce imam dušo“.
„Ajde da peeme zaedno, ostavete gi telefonite!“ – poračaa sestrite od scenata.
Marijana, koja poveḱe od 30 godini živee vo Avstralija, letovo e na odmor vo tatkovinata, a posleden pat dvete nastapija zaedno na „Ohrid fest“ vo 2003 godina. Na zabavata beše najaveno deka tie veḱe intenzivno snimaat nova zaednička pesna so duoto Dac i Aleksandar.
OD NOЌNA ŽURKA DO DNEVNA PROMOCIJA NA CRVEN VINIL
Samo dva dena po ovaa nezaboravna zabava, vo dnevna koktel atmosfera na istoto mesto, Dac i Mitevski ja promoviraa svojata prva gramofonska ploča, simbolično naslovena po nivniot golem hit — „Ušte mi fališ“.
Izdavač e „Duris“, a prviot čovek Dušan Ristovski-Duris istakna deka Dac i Aleksandar so svojot profesionalizam uspešno vlegoa vo svetskiot mejnstrim kade vinilite se broj eden vo prodažba.
Celata inicijativa poteknuva od Dac, koj ušte od mladosta sonuval za svoja ploča, inspiriran od „Bijelo Dugme“.
„Imame dovolno pesni, duri nekoi ne ni vlegoa vo izborot, zatoa što nemaše mesto. Na ploča imaš 40 minuti, dvapati po 20. Vo moe vreme site ploči bea crni. Koga razbravme deka može vakva da bide, ja napravivme crvena kako bojata na ljubovta“, objasni toj.
Vinilot sodrži 10 hitovi, pečaten e vo SONY DADC vo Avstrija, so poddrška od kompanijata Makpetrol. Omotot e zamislen kako vizuelen vremeplov so motivi na istureno vino, iznoseni patiki i mašina za pišuvanje, site napraveni od hartija.
SOLZI ZA DRAGAN B.KOSTIЌ I ELITNI GOSTI
Najemotivniot moment na promocijata beše posvetata na legendarniot radiovoditel i didžej, Dragan B. Kostiḱ, koj počina vo dekemvri.
„Moj muzički mentor sekogaš bil Dragan B. Kostiḱ. Toj mnogu ḱe se raduvaše da beše ovde… Zatoa, pločata mu ja posvetuvame nemu“, izjavi Aleksandar Mitevski.
Primerok od pločata im beše dodelen na decata na Kostiḱ, Bane i Elena, koja ne gi izdrža emociite i se rasplaka vo momentot na primanjeto na ovoj podarok za nivnata semejna kolekcija.
Megju gostite beše i legedarnata Blaga Petreska, koja mu se zablagodari na duoto za zaednički snimenata pesna „Serenada za Prilep“, a poddrška dade i soprugot na Rosana, akterot Gjorgji Todorovski-Trupče.
Pločata veḱe e puštena vo prodažba onlajn preku Duris.Shop, kako i vo prodavnicite „Čuv de Čuv“, „Literatura.mk“ i „ZEC Elektronik“.
SLEDNA STANICA NA SESTRITE RODNOTO KUMANOVO ZAEDNOSO DAC I MITEVSKI
Ovaa magična nostalgična prikazna ne zastanuva vo Skopje. Najgolemoto iznenaduvanje doagja kako kruna na nivnoto povtorno spojuvanje. Na 19-ti juli, Marijana i Rosana, poddržani od kreativnata energija na Dac i Aleksandar, se vraḱaat tamu kade što započna sè – vo nivnoto rodno Kumanovo.
Po celi 34 godini pauza, kumanovskata publika konečno ḱe ima privilegija vo eden glas da gi zapee bezvremenskite refreni so svoite omileni sestri. Se podgotvuva noḱ na čist merak, solzi radosnici i emotiven spektakl koj ednostavno ne smee da se propušti!
Biba KRNČESKA
