Makedonskata pop-scena letovo go ispraḱa eden od svoite najvpečatlivi vokali vo osvojuvanje na regionalniot muzički prostor. Martinijan Kirilovski, pejačot koj veḱe odamna gi nadmina domašnite granici so svojot prepoznatliv talent, se podgotvuva za nov profesionalen predizvik. Po ednogodišna pauza od festivalskite reflektori, toj se vraḱa na golema scena, po vtor pat na prestižniot muzički festival „Biser Jadrana“ koj se održuva vo preubaviot Tivat, Crna Gora. Festivalskata premiera e zakažana za 18 juli, so početok vo 21:00 časot, a makedonskata javnost ḱe ima ekskluzivna možnost da go sledi ovoj značaen čekor vo živo, preku direktniot prenos na Makedonskata Radio Televizija (MRT).
SOVRŠEN SPOJ NA MITOLOGIJA I SOVREMEN POP – ZVUK Adutot so koj Kirilovski ḱe se pretstavi pred jadranskata publika i stručnoto žiri go nosi naslovot „Sirena“.
Stanuva zbor za kompozicija koja ušte na prvo slušanje magjepsuva so silna emocija, pametno spakuvana vo moderen i sovremen audio-aranžman.
Konceptot zad pesnata e vistinsko osvežuvanje. Inspiriran od starogrčkite mitovi za mističnite sireni, čij zanosen i neodoliv glas bezmilosno gi privlekuval i gi zaveduval mornarite, tekstot pravi paralela so modernoto vreme. Namesto morski dlabočini, prikaznata ovojpat e locirana vo kompliciraniot svet na čovečkite odnosi — taa zboruva za fatalnata privlečnost, silnite iskušenija i emociite na koi ednostavno e nevozmožno da im se odolee.
Zad celosnata realizacija na „Sirena“ stoi veḱe dokažana i voigrana ekipa koja točno znae kako da go izvleče maksimumot od vokalniot kapacitet na Martinijan. Avtori na muzikata i na tekstot se Mitko Češlarov, dodeka za sofisticiraniot aranžman se pogriži Anǵel Ḱosev. Stanuva zbor za istiot umetnički tandem koj prethodno go potpiša golemiot hit „Sećanje na april“.Kompletniot materijal e snimen i finaliziran vo dobro poznatoto muzičko studio „Podrumot“, kade što pesnata go dobila svojot prepoznatliv sjaj.
Nastapot na „Biser Jadrana“ za Martinijan Kirilovski ne e samo obično festivalsko pojavuvanje, tuku strateški i isklučitelno važen čekor vo negovata kariera.
Izminatite godini toj posveteno i naporno ja gradeše svojata pozicija na Balkanot, a negovata prepoznatliva emotivna interpretacija veḱe ima svoja verna publika vo regionot.
Muzičkata kritika i obožavatelite veḱe prognoziraat deka „Sirena“ go poseduva celiot potreben paket — odlična vokalna izvedba, mistična prikazna i moderen ritam — za da stane edno od najprijatnite iznenaduvanja na scenata ova leto.
Biba KRNČESKA
