Ana Petanovska, eden od najprepoznatlivite i najomilenite ženski vokali na makedonskata muzička scena, periodov beleži značajni nastapi nadvor od granicite na Makedonija.
Po uspešnoto pretstavuvanje na godinašnoto izdanie na festivalot„Belgradsko proleḱe“, pejačkata denes ja promovira makedonskata verzija na emotivnata kompozicija„Balada za Angelot“, prosledena so videospot.
Pesnata svojata premiera ja doživea na prestižniot festival „Belgradsko proleḱe“, koj godinava odbeleža 65 godini od svoeto postoenje.
Interesno e što kompozicijata e sozdadena specijalno za festivalot i prvično e napišana na srpski jazik.
Zad muzikata stoi eden od najrenomiranite makedonski kompozitori, Grigor Koprov, koj inspiracijata za pesnata ja pronašol vo ednostaven, no dlaboko emotiven komentar ostaven pod videozapis na nezaboravniot Toše Proeski. Komentarot glasel: „Koga sum tažna tuka si, koga sum sreḱna tuka si“. Tokmu ovaa misla stanala temel za refrenot i početok na prikaznata koja podocna prerasnala vo celosna muzička kompozicija.
„Balada za Angelot“ nosi silna emotivna poraka i potsetuva na trajnata povrzanost megju muzikata i lugjeto koi vo nea pronaogjaat uteha, sila i inspiracija.
Publikata vo Belgrad vednaš ja počuvstvuva iskrenosta na pesnata, a pozitivnite reakcii prodolžile i po festivalskata večer. Pokraj muzikata na Koprov, avtor na originalniot srpski tekst e Dušan Bačiḱ, dodeka makedonskata verzija ja potpišuva samata Ana Petanovska. Aranžmanot e delo na poznatiot makedonski producent Stefan Petanovski.
No, za Ana ova ne e kraj na festivalskata sezona.
Slednata stanica e internacionalniot festival „Biser na Jadranot (Biser Jadrana)“ vo Tivat, kade što ḱe nastapi vo duet so Nataša Mihajloviḱ, poranešna členka na popularnata regionalna grupa „Frajle“. Dvete pejački ḱe se pretstavat so kompozicijata „Pod nogama“, od koja se očekuva da bide edno od pointeresnite festivalski izveduvanja ova leto.
So „Balada za Angelot“ i novite regionalni sorabotki, Ana Petanovska ušte ednaš na site nas ni pokažuva deka makedonskata muzika ima što da ponudi i nadvor od domašnite ramki, prodolžuvajḱi uspešno da ja pretstavuva zemjata na značajni balkanski muzički sceni.
Biba KRNČESKA
