Čestopati velime deka muzikata nema granici, no retko koga toa se dokažuva na tolku ubedliv način kako na godinašnoto izdanie na „Balkan Fest 2026“ vo Banja Luka.
Vo srceto na ovaa regionalna muzička manifestacija, kade što se pretstavija odlični pejači od 11 različni državi, makedonskoto zname se podigna visoko blagodarenie na mladata štipjanka Elena Naumova.
Ovoj festivalski nastap se pretvori vo celosen triumf za našata pretstavnička, koja doma se vraḱa so dve isklučitelno važni nagradi:
Nagrada za Najdobra kompozicija vo celata natprevaruvačka večer.
Visokoto vtoro mesto vo generalniot plasman na festivalot.
Iako Elena e sè ušte na početokot na svojot profesionalen pat i javnosta ja prepoznava kako mlad početnik, taa pokaža umetnička zrelost na koja možat da i pozavidat i mnogu poiskusni kolegi.
Spored informaciite od prisutnite, taa ostavila silen vpečatok ušte so samoto pojavuvanje. Nejzinata prirodna ubavina, preubavite i vpečatlivi oči, vednaš ja izdvoile od ostanatite učesnici, no ona što najmnogu ja ponelo publikata i sekako stručnoto žiri e emotivnata interpretacija na Elena. Taa uspeala da prenese silno čuvstvo preku svojot vokal, dokažuvajḱi deka nejziniot golem muzički potencijal doprva ḱe ja osvojuva scenata.
Glavnoto oružje so koe Elena se pretstavi pred publikata vo Banja Luka beše moḱnata balata so naslov „Samo neka pomine“.
Makedonskata publika veḱe imaše prilika premierno da ja slušne ovaa pesna na minatogodišnoto jubilejno izdanie na festivalot „Makfest“.
Iako togaš domašnata scena možebi ne go prepozna nejziniot celosen kapacitet, pesnata svojata vistinska verifikacija ja dobi na megjunarodno nivo.
Zad ovaa kvalitetna kompozicija stojat dobro poznati i priznati avtori koi voedno se i členovi na legendarnata makedonska pop-rok grupa „Memorija“.
Muzikata i tekstot se delo na Risto Samardžiev, dodeka za odličniot aranžman se pogriži Davor Jordanovski.
Pesnata beše izvedena celosno na makedonski jazik, što mu dava ušte pogolema težina na ovoj uspeh.
Po završuvanjeto na festivalot, emociite i radosta ne se krieja. Samata Elena se oglasi na socijalnite mreži so poraka na blagodarnost:
„Od Banja Luka se vraḱame so Vtoro mesto i Najdobra kompozicija. Pesnata „Samo neka pomine“, so koja minatata godina nastapuvav na Makfest, na ovoj festival ni donese dve ubavi nagradi i prekrasno čuvstvo na scenata. Blagodarna do nebo za ova priznanie i za site što bea del od ova patuvanje.“
Ovoj visok plasman vednaš go privleče vnimanieto na stranskite menadžeri. Mladata pejačka veḱe dobila nekolku oficijalni pokani za nastap na poznati internacionalni festivali širum Evropa, megju koi vo Letonija, Malta i Belorusija.
Biba KRNČESKA
