Mladata pejačka so moḱen glas Doris Di (16) ja promoviraše novata pesna „Zemjo moja“, koja ja posveti na site Makedonci koi, iako živeat daleku od tatkovinata, ja nosat Makedonija dlaboko vo svoeto srce.
Pesnata e prepev na legendarnata „Zemljo moja“ koja Ismeta Krvavac i grupata „Ambasadori“ ja izvedoa vo 1975. godina kako učesnici na togašnata popularna manifestacija „Vašiot šlager na sezonata8“.
Avtor na temata e legendarniot Kemal Monteno. Stihovite za makedonskata verzija gi napiša Ognen Nedelkovski, a za aranžmanot se pogriži Nikolče Micevski.
Na pres konferencijata koja se održa vo Porta Makedonija go pretstavi i videoto koe go izraboti „Fabrika produkcija“.
– Idejata za prerabotka na pesnata „Zemjo moja“ poteknuva od mojot tatko. Ušte pred dve godini, koga mi ja predloži, ja doživeav kako prekrasen, no rečisi nedostižen proekt. Stanuva zbor za delo na legendarniot kantavtor Kemal Monteno, a po negovata smrt vo 2015. godina, avtorskite prava im pripagjaat na negovoto semejstvo, koe živee vo druga država. Sepak, životot znae da gi spoi vistinskite lugje vo vistinski moment. Pred nekolku meseci, vo razgovor megju tatko mi i tekstopisecot Ognen Nedelkovski, temata prirodno premina kon prerabotki na stari pesni. Togaš Ognen spomena deka tokmu za ovaa pesna ima napišano tekst ušte pred nekolku godini. Toa beše momentot koga idejata počna da se pretvora vo realnost – veli Doris i dodadava deka ne velat zaludno, koga nešto iskreno ḱe se posaka, Univerzumot go naogja patot.
– Nabrgu stapivme vo kontakt so semejstvoto na Kemal Monteno i so vzaemna počit postignavme dogovor za koristenje na avtorskite prava. Dogovorot beše oficijalno potpišan vo Saraevo od strana na negovata sopruga, Branka Monteno i mojot tatko. Sleduvaše aranžmanot. Moja iskrena želba beše toj da go izraboti Nikolče Micevski. Iako prethodno nemavme sorabotka, se nadevav deka toa ḱe se ostvari. Nikolče ja prifati ponudata, a jas so celosna doverba ne posakav ni da ja slušnam pesnata dodeka se podgotvuvaše. Znaev deka ḱe bide tokmu onakva kakva što ja zamisluvav. I navistina – rezultatot beše nad site očekuvanja – veli taa. Posledniot čekor od proektot bil snimanjeto na video zapisot. Nejzin izbor bila „ Fabrika produkcija“. So koi ima odlična sorabotka.
– Osobeno sakam da ja istaknam ulogata na mojata majka, koja stoi zad scenarioto i režijata na spotot, vložuvajḱi ogromna ljubov i posvetenost. Celiot proces go završivme so mnogu pozitivna energija, a ovoj proekt ne bi bil ist bez site dragi lugje koi bea del od nego.
Ogromna blagodarnost do site statisti, mojot brat, bratučetkite i bratučedot, kumovite, vujnata, ḱerkata na mojata nastavnička i moite drugarki koi pridonesoa videoto da izgleda tokmu vaka kako što go zamislivme – zaklučuva Doris.
Biba KRNČESKA
