Eden od najvpečatlivite mladi vokali na regionalnata scena, Adi Šoše, prodolžuva so svojot silen muzički podem i konečno pristignuva i vo Makedonija, i toa so dva koncerti.
Na 24 april možnost da uživa vo negoviot magičen glas i emocionalna interpretacija ḱe ima publikata vo Bitola, dodeka na 18 oktomvri sleduva golem solistički koncert vo Skopje, vo Filharmonija, vo večer koja vetuva vistinsko muzičko doživuvanje.
So svojot neverojaten vokal, iskrena emocija i harizma na scenata Adi Šoše važi za pejač koj vo rekordno vreme ja osvoi regionalnata publika, nosejḱi svežina i avtentičnost na muzičkata scena.
Inaku, roden e vo Mostar i voden od semejnata tradicija završil gradežen fakultet, no presudila ljubovta kon muzikata. Dopolnitelna vozbuda pred negovoto doagjanje vo Makedonija predizvika i najnovata vest deka Šoše objavi duet so regionalnata zvezda Senidah, pesna koja premierno beše pretstavena pred belgradskata publika.
Duetot so naslov „Čista ljubav“ nosi moḱen spoj na emocija, sovremena produkcija i prepoznatlivite interpretacii na dvajcata umetnici.
Govorejḱi za sorabotkata, Senidah veli deka se slučila sosema spontano. „Sakam sorabotki koi se slučuvaat bez plan, samo energija, čuvstvo i moment. So Adi sè tečeše prirodno, bez forsiranje, tokmu kako što treba. Koga ḱe se sovpadnat ista emocija i energija, muzikata sama si go naogja patot. Ova e edna od onie pesni što ne se pravat, tuku ednostavno se slučuvaat“, veli Senidah.
Slični vpečatoci spodeluva i Adi Šoše, otkrivajḱi kako započnala nivnata prikazna. „Se zapoznavme sosema slučajno, na aerodromot vo Frankfurt, i vednaš ‘kliknavme’. Senidah za mene e posebna pojava, čista emocija i vistinska diva. Privilegija e da se bide del od ovaa pesna i edvaj čekam da ja peeme vo živo vo godinite što doagjaat“, veli Šoše.
Muzikata, tekstot i aranžmanot na „Čista ljubav“ gi potpišuva Amil Lojo, dolgogodišen sorabotnik na Adi, dodeka vizuelniot identitet e zaokružen so videozapis vo režija na Arnej Misirliḱ. Koncertite vo Makedonija se del od negovata aktuelna turneja, i se vo organizacija na Eventum produkcija, od kade najavuvaat vrvna produkcija i nezaboravno muzičko iskustvo za publikata.
https://youtu.be/k4AxKbe5ALY?si=in_cSMi6h3DXbU9g
Rade BERAK
