Ohrid i ova leto ḱe pulsira vo ritamot na muzikata. Tradicijata prodolžuva – otvoren e konkursot za 33-toto izdanie na internacionalniot muzički festival „Ohrid Fest – Ohridski trubaduri“, eden od najprepoznatlivite muzički nastani vo regionot.
Festivalot ḱe se održi na 26 i 27 avgust 2026 godina, a organizatorite povtorno gi povikuvaat site kreativci, izveduvači i avtori da ispratat svoi novi kompozicii i da stanat del od scenata koja so godini sozdava muzički prikazni.
I ovaa godina akcentot e staven na mladite i novite iminja. Debitantite imaat otvorena vrata da se pretstavat pred široka publika, i toa vo ramkite na dvete festivalski večeri – Folk večerta i Internacionalnata pop večer. Tokmu ovaa kombinacija na tradicija i modernost e ona što go pravi festivalot unikaten. Site zainteresirani treba da ispratat finalno producirani kompozicii, so vremetraenje do tri ipol minuti, na oficijalnata e-mail adresa na festivalot:ohridskifestival@gmail.com, so jasna naznaka za koja večer apliciraat. Rokot za prijavuvanje e do 15 juni 2026 godina.
No „Ohrid Fest“ ne e samo festival – toa e platforma. Nastan što otvora vrati kon regionalna publika, so ogled na toa što go sledat poveḱe od 15 televizii niz Balkanot.
Za mnogumina, tokmu ova e čekorot što ja menuva karierata. Istorijata go potvrduva toa. Na istata scena, vo 1998 godina, so pesnata „Usni na usni“ nastapi Toše Proeski, započnuvajḱi pat što ḱe go napravi muzička legenda. Ottogaš pa navamu, „Ohrid Fest“ e mesto kade što se ragjaat hitovi i se sozdavaat zvezdi. So decenii nanazad, festivalot ostanuva simbol na kvalitet, emocija i muzička strast – scena na koja sekoja pesna ima šansa da stane nezaboravna.
Ova leto, prašanjeto ne e dali ḱe ima nov hit. Prašanjeto e – koj ḱe go ispee.
Biba KRNČESKA
