Makedonskiot pejač Daniel Kajmakoski vo sabotata vo ranite utrinski časovi bil kidnapiran vo Belgrad, vo blizina na „Beton hala“, a spored srpskite mediumi, od negovoto semejstvo bila pobarana parična otkupnina.
Kako što objavuvaat srpskite mediumi, incidentot se slučil otkako Kajmakoski go napuštil lokalot vo koj nastapuval taa večer. Vo toj moment mu prišle dvajca maži, za koi se pretpostavuva deka se stranski državjani, vooruženi so nož i pištol. Pod zakana, go naterale da vleze vo avtomobil i mu gi vrzale racete.
Navodno postoi i video-snimka od nastanot.
Poradi zasilenite vikend-kontroli vo Belgrad, policiska patrola vo eden moment mu dala znak na voziloto da zastane, no kidnaperite ne zastanale i prodolžile so begstvo.
Vo isto vreme, prijatel na pejačot go prijavil kidnapiranjeto vo policija, po što započnala obemna i koordinirana akcija na poveḱe službi na srpskoto Ministerstvo za vnatrešni raboti. Vo poterata učestvuvale pripadnici na Upravata za kriminalistička policija, Žandarmerijata, SAJ, soobraḱajnata i graničnata policija, kako i policiski brigadi.
Voziloto so koe bil odnesen Kajmakoski uspealo da pomine niz dve naplatni rampi – vo Šimanovci i Ruma.
Gustata magla i lizgaviot kolovoz, spored izvor blizok do istragata, odigrale klučna uloga vo razvrskata na slučajot.
Na kružniot tek kaj Ruma, kidnaperite najverojatno se dezorientirale poradi namalenata vidlivost, prodolžile pravo namesto da svrtat i ja izgubile kontrolata vrz voziloto, koe izletalo od kolovozot i udrilo vo zaštitna ograda. Po udarot, begstvoto so avtomobil bilo onevozmoženo, pa dvajcata osomničeni go napuštile voziloto i se dale vo begstvo peš.
Vo avtomobilot, policijata go pronašla Daniel Kajmakoski so vrzani race. Toj vednaš bil zgrižen, a na mestoto na nastanot bil izvršen uvid.
Od Višoto javno obvinitelstvo vo Belgrad soopštija deka slučajot e kvalifikuvan kako krivično delo grabnuvanje i deka istragata za celosno rasvetluvanje na nastanot prodolžuva, dodeka intenzivnata potraga po storitelite sè ušte e vo tek.
Po kidnapiranjeto se oglasi i majkata na pejačot, Ruža Kajmakoska, koja izjavi deka semejstvoto doživealo golem šok. „Fala što prašavte. Se slušnavme. Najvažno e što e živ, a dali e dobro – rano e da se kaže. Vo vakvi situacii čovek najmnogu stravuva za svoite deca. Sè ušte sum vo šok“, izjavi taa za srpskite mediumi.
Spored pišuvanjata na srpskite mediumi, kidnaperite planirale da stapat vo kontakt so semejstvoto na Kajmakoski i da pobaraat otkup, no nivnata namera bila prekinata poradi soobraḱajnata nesreḱa i brzata policiska intervencija.
Biba KRNČESKA
