Vo sabota, 8 noemvri, scenata na Nacionalnata opera i balet ḱe se pretvori vo mozaik od dviženja, boi, emocii i muzika: ḱe se slučuva sedmoto izdanie na Internacionalniot tancov natprevar “Stejdž 2025”.
So ovoj nastan Skopje povtorno ḱe bide centar na talent, kreativnost i mladeška energija.
Cel den, od 9 do 22:00 časot, na golemata i malata scena ḱe nastapat nad 1600 deca i mladi tančeri od 12 državi, pretstavuvajḱi go svojot tancov izraz niz klasičen i sovremen balet, džez, modern, akrobatski i šou tanc…
Sekoj nastap ima svoja prikazna – različna, no silna, ispolneta so strast, muzika i ljubov kon scenata.
„Stejdž” ne e samo natprevar – tuku e proslava na umetnosta, detstvoto i različnosta. Preku tancot, decata od celiot svet učat da ja razberat i počituvaat kulturata, da sozdavaat prijatelstva i da ja neguvaat ljubovta kon scenata. So sekoe izdanie, STEJDŽ stanuva most što gi povrzuva mladite generacii preku umetnosta, promovirajḱi ja Makedonija kako zemja na kultura, talent i inspiracija. Ovoj naš tradicionalen nastan e potsetnik deka vistinskata ubavina e vo kreativnosta, posvetenosta i splotenosta, a tokmu toa e duhot što STEJDŽ go nosi veḱe sedum godini– veli Tamara Gjurčinovska, organizator i umetnički direktor na natprevarot.
Hahlajt na večerta ḱe bide Gala nastapot na najdobrite deset izvedbi (TOP 10), izbrani od megjunarodnoto stručno žiri. Talentiranite tančeri ḱe gi dobijat najvisokite priznanija i prestižni nagradi na STEJDŽ 2025.
Nastanot e organiziran od Tamara Gjurčinovska i baletskoto studio „Art Balet“.
Biba KRNČESKA
