Borče Naumovski – Ministerot za estrada e edno od retkite iminja vo makedonskata muzika koe može da se pofali so navistina bogata festivalska istorija. Od 1995 godina do denes, toj ima nastapeno na okolu 35 festivali niz Makedonija, što go pravi eden od najposvetenite i najaktivnite umetnici na makedonskata muzička scena. Svojata kariera ja započnuva na festivalot „Trimeri“ vo 1996 godina, a samo edna godina podocna (1997) nastapuva na „Tetovski folk fest“, „Cvetnici“ i „Folk Fest Valandovo“. „Tri festivali vo edna godina i tri novi pesni – toa bea drugi vreminja koga festivalite bea nastan“, raskažuva Naumovski, koj ušte togaš bil narekuvan „festivalsko dete“.
Vo svojata kariera ima nastapeno: šest pati na „Folk Fest Valandovo“, pet pati na „Prilep Folk Fest“, tri pati na festivalot „Cvetnici“, tri pati na „Ohrid Fest – Ohridski trubaduri“, tri pati na „Serenada fest“, četiri do pet pati na „Rosa Folk Fest“ (kade i godinava povtorno ḱe bide del so nova kompozicija). Za vreme na site ovie godini, Naumovski osvoil golem broj nagradi – i od žirito i od publikata. Nekoi od najznačajnite se: Pobednik na „Prilep Folk Fest“ vo 2010 godina so pesnata „Pesna ljubovna“, Pobednik na „Folk Fest Valandovo“ vo 2012 godina so hitot „Druga žena ne sakam“, Nagrada za najdobar debitant i mnogubrojni prvi, vtori i treti mesta na različni festivali.
„Nagradite porano bea simbolični – statuetka ili blagodarnica. No, čest i gordost beše da se bide del od festival i da se pee pred iljadnici gledači,“ veli Ministerot za estrada.
Zad sebe ima četiri studiski albumi, a iako samiot veli deka nema „pregolemi“ hitovi, sepak negovite pesni se prepejuvaat i prepoznavaat nasekade niz svetot. Posebno e barano ime kaj makedonskata dijaspora – vo Avstralija, kade što i živeel, kako i vo Švedska, Danska, Švajcarija, Avstrija, Germanija. Nastapite tamu se vistinski praznik za našite luǵe, koi negovite pesni gi peat vo eden glas. Po povod jubilejnite 30 godini muzička kariera, Borče Naumovski – Ministerot za estrada, najavuva golem solistički koncert vo Bitola. Nastanot ḱe bide del od godinešniot Bit-fest – Bitolskoto kulturno leto, a ḱe se održi vo unikatniot ambient na antičkiot amfiteatar Heraklea Linkestis. Večerta ḱe bife praznik na muzikata i emociite. Naumovski, koj tri decenii e prisuten na makedonskata muzička scena, ḱe gi izvede svoite najgolemi hitovi, no i novi pesni, vo pridružba na brojni muzički prijateli, kolegi i sorabotnici, kako i Kamerniot orkestar na Bitola.
„Ova ḱe bide koncert za pametenje, so mnogu muzika, emocii i iznenaduvanja. Po 30 godini na scena, mojata ljubov i energija kon muzikata se ušte se isti kako prviot den,“ izjavi Ministerot za estrada. Publikata vo Bitola ḱe ima retka možnost da uživa vo retrospektiva na negovoto bogato tvoreštvo, a samiot izbor na Heraklea kako koncertna scena mu dava dopolnitelna simbolika i golemina na nastanot.
Biba KRNČESKA
