Legendarnata makedonska pop-rok grupa „Memorija“ za prv pat vo svojata 42-godišna istorija ḱe nastapi na edna klubska svirka.
Legendarniot makedonski bend ovaa sabota 27 septemvri 2025 godina ḱe održi koncert vo poznatiot skopski noḱen klub „Intermeco“.
Iako bez problem gi polnea ogromnite mnoguiljadni prostori na nekogašnoto „Skopsko sajmište“, arenata „Boris Trajkovski“, otvolreniot amfiteatar vo „Domot na mladi“ vo Štip ili posledniov nastap vo Gevgelija na ogromniot otvoren parking kaj noviot pazar na manifestacijata „Vkusi go jugot“, ovoj pat Pero Kamikaza i drugarite od grupata se rešija na edna malku poinakva družba so svojata publika.
Ništo novo, nitu čudno, zašto toa go pravele i najgolemite svetski bendovi kako „Roling Stouns“, „Bitlsi“, „Pink Flojd“, „Aerosmit“, „Dip Parpl“… koi ponekogaš rešavale da nastapuvaat vo najpoznatite gradski klubovi vo Njujork, Pariz ili London, kako što beše na primer legendarniot klub „Marki“, mesta koi sobiraat samo nekolku stotini posetiteli. Intimni prostori koi se ponekogaš mnogu podobri za neposreden kontakt so najvernite obožavateli, vo koi bendot i publikata ima najneposredna interakcija, a fidbekot i vozvratnata energija se neopisivi. Tokmu zatoa i „Memorija“ se reši na vakov čekor, pa ovaa sabota (27.09.2025) se očekuva poznatiot skopski noḱen klub „Intermeco“ ne samo da bide prepoln, tuku mnogumina koi nema da obezbedat vleznici navreme, ḱe moraat da ostanat nadvor pred vratite.
So „Memorija“ zabavata e sekako zagarantirana, zašto poznatite hitovi kako „Nena“, „Odam za sekogaš“, „Dirlada“… ne može da ne ve krenat na noze, a bezvremenskite baladi kako „Ogan pod dzvezdite“ „Zošto Bože“, „Našite sliki“ ili poslednata „Za tebe“ vi gi vraḱaat spomenite i rastreperuvaat emociite. Zatoa sekoj što saka sa bide del od ova intimno muzičko patuvanje za svoja duša, neka pobrza da si obezbedi navremeno mesto vo skopskiot klub „Intermeco“.
Biba KRNČESKA
