Predvečerieto na golemiot praznik Uspenie na Presveta Bogorodica go dočekavme vo Lešok, vo prekrasniot manastirski kompleks Sv.Atanasij i Presveta Bogorodica kade se održa 15to izdanie na “Folk Fest Lešok”, festival prepoznatliv po neguvanjeto na avtentičniot makedonski zvuk, što grleno odeknuva vo živopisnata priroda pod Šara.
Ovoj festival koj ima revijalen karakter i ovaa godina se održuva vo sorabotka so tetovsko – gostivarskata eparhija pri Makedonskata Pravoslavna Crkva – Ohridska Arhiepiskopija, a organizator e Združenieto za neguvanje na makedonskiot folklor i tradicija “Istočnik”, vo javnosta prepoznatliv preku negovite glavni reprezenti, direktorkata i folk diva Suzana Spasovska i nejziniot kolega Borče Brzanov.
Ovoj respektabilen tandem celi 15 godini apsolutno posveteno ja održuva Lešočkata folk tradicija koja niz godinite poprimi svoja vizura i ambientalen zvuk što se neguva preku interpretacijata od renomirani vokalni umetnici nadaleku priznati i poznati, no sepak selektivno izbrani i prilagodeni na samata festivalska koncepcija. Isto taka Lešočkiot Festival predstavuva i svoeviden muzički rasadnik na novi talenti koi ja neguvaat makedonskata pesna so lirska, pečalbarska no i rodoljubiva tematika.
Sinoќa vo Lešok uživavme muzičkata prezentacija na novi pevilivi refreni, a posebno ubav vpečatok ni ostavija kompoziciite što gi čuvme od provereno profesionalnite, Vančo Tarabunov, Duško Georgievski, Milica Kuzmanovska, no i od Pero Hristov, iako toj imaše nekoj peh so snimkata pa se dobi vpečatok kako pesnata da ja pee vo živo odnosno samo na matrica, ama dobra pesna e dobra pesna duri i koga se slučuvaat tehnički kiksovi.
Za prv pat na Lešok gi vidovme i čuvme “Češit Šou” odnosno Gige i Bačo koi isto taka imaa ubava pesna, a mladite debitantki Teona Ilievska i Sofija Purovska so profesionalniot nastap ne uverija deka se veќe estradno spremni za festivalskite predizvici. Ubava poraka preku pesna isprati i Ljupče Ivanovski -Bube, koj porača deka ništo ne e naše tuku deka se e Gospodovo, a tekstot od pesnata go sročila negovata sopruga Olivera.
Vistinsko iznenaduvanje na Lešok beše pojavuvanjeto i na Sonja Manasievska Koneva, koja otpea posebno ubava i orginalna pesna, posvetena na Sv.Dimitrije ili slavata Mitrovden, a ni kaža deka pesnata ja napišala sama, budejќi se od son stihovite i nadošle kako spontana inspiracija, što znači deka ovaa pesna ima produhovena simbolika i ne nastanala slučajno, tuku deka e so Božjo promislenie ispratena da bide izvedena tokmu na Lešok na praznikot Uspenie na Presveta Bogorodica.
Ubavi nastapi na Folk Fest Lešok imaa i Darko Bilbilovski koj otepa pesna za Čelopek, Nina Nikolovska koja ja dopre bolnata tematika za iseluvanjeto, Metodija Stoleski, Milena Jovanovska, no i Krume Spasovski koj vo presret na svojot jubileen 80 ti rodenden izvede baš namenska pesna vo koja ja otepa želbata da živee i dočeka 100 godini so pesna i ubavini.
Najvpečatliv scenski nastap imaše tetovskata snajka Leni Partikova koja go razvea makedonskoto zname na scenata i so razigranite igraorci go dopolni ambientot na rodoljubivata pesna, pridružuvana od soprugot Žarko na tapan.
Posebna pofalba zaslužuva gestot na organizatorite, odnosno video potsetuvanjeto na doajenite što zele učestvo na ovoj festival, a ne se poveќe megju nas, Atina Apostolova, Esma Redžepova, Goce Arnaudov, Milan Zavkov, Vojo Stojanovski, koi otpeale prekrasni pesni na Lešok..Neka im e večna slavata…
Inaku festivalot beše podelen na tri bloka, odnosno na premiereni festivalski refreni i počesno povtorno potsetuvanje na nekolku izbrani pesni otepani predhodnite godini, pa taka vo samoto finale uživavme vo izvedbata na tetovskiot Pavaroti, Ibuš Ibraimovski, vo veseliot nastap na Nacka Slavkovka i Risto Krapovski, vo moderniot izraz na Hristijan Ivčev, vo melemnata interpretacija na Katerina Brezeva i grupata “Sonata”, i sekako vo najreprezentativnoto pojavuvanje na umetničkiot koordinator na festivalot, Suzana Spasovska, koja vo makedonski duh ja izvede svojata “Spolaj ti Bože”, što taa sama ja komponirala i sročila za Lešočkiot festival vo 2010 godina.
Festivalot go zatvori legendarniot Nino Veličkovski so prekrasnata patriotska tema za bratska verba i splotuvanje, pesna što retko se sluša no zavrednuva apsolutno vnimanie.
Vsušnost so ovoj blok na izbrani pesni organizatorite najtransparetno pokažaa kolku Lešockiot Folk festival pridonel vo zbogatuvanjeto na makedonskata fonoteka so kvalitetni refreni, a voedno i ne potsetija kolku istite ne se dovolno eksploatirani na našite mediumi.
Inaku ovoj festival e prepoznatliv i po voditelkata Irena Spirovska, koja e negovo zaštitno lice, tetovčanka koja najsrdečno ve dočekuva so nasmevka na festoivalot i sekogaš besprekorno elegantno izgleda, ama prepoznatliv e i po ubavata domaќinska družba što sekoja godina ja pravat organizatorite Suze i Borče, koi gostite gi dočekuvaat so bogata trpeza na posna i mrsna hrana što so slast se degustira od site prisutni vo Lešok.
Na krajot da napomenime deka festivalot go snimaše i ќe go emituva Balkan Mjuzik TV, pa site ќe možat odložno da uživaat vo magijata što sinoќa praznično site prisutni tamu ja doživeavme.
Neka e za mnogu godini praznikot Uspenie na Presveta Bogorodica i neka za mnogu godini se neguva ubavata makedonska pesna vo Lešok..
Biba KRNČESKA
