Popularniot makedonski folk pejač Borče Naumovski – Ministerot za estrada, čovekot koj so decenii e del od makedonskata muzička scena, živee so polni gradi – pomegju muzikata, prirodata i iskrenite emocii.
Zimite za nego se rezervirani za skijanje, a letata za ribolov – dvete najgolemi hobija što mu nosat mir, tišina i balans daleku od scenskata bučava.
Skijanjeto e ljubov koja trae ušte od najranite godini. Kako dete, ušte od 6-godišna vozrast, Borče se natprevaruval vo „Cicibani“ vo klubot Pelister – Bitola, kade što pominal rečisi edna decenija. Na skii e od svojata treta godina, a patekite na Pelister i Nižepole, na samo desetina kilometri od gradot, bile negov vtor dom.
„Bitola e skijački grad i toa e naša golema privilegija“, veli Naumovski, koj ima skijano na brojni skijački centri niz Evropa, kako i vo Avstralija, kade što živeel odreden period.
Vo letnite meseci, pak, mirot go pronaogja pokraj vodite, so ribolovot kako forma na vistinska relaksacija i odmor od muzikata i scenata.
Pokraj privatniot balans, Borče Naumovski e isklučitelno aktiven i na muzički plan. Osobeno ja izdvojuva najnovata pesna„Moja ljubov, moja sudbina“, koja beše premierno izvedena na minatogodišnoto izdanie na Rosa folk fest. Stanuva zbor za ljubovna balada so malku poinakov, pomoderen izraz, koja otstapuva od klasičniot folk stil.
„Iskreno, mnogu očekuvam od ovaa pesna. Jas sum prezadovolen od srabotenoto“, veli Naumovski.
Muzikata i aranžmanot se delo na Kiril Stojčevski, a tekstot go potpišuva Valentin Sokleski, a pesnata e snimena vo relativno kratok vremenski rok.
Kruna na sè što sledi e golemiot jubileen koncert, koj ḱe se održi na 22 juli 2026 godina (sreda), vo veličestveniot Antički teatar – Heraklea vo Bitola, vo ramki na „Bit-Fest“.
Koncertot ḱe bide posveten na 30 godini muzička kariera, a publikata ḱe ima možnost da gi slušne site pesni što Borče Naumovski gi ima otpeano niz godinite.
Nastanot ḱe bide zbogaten so kameren orkestar, kako i so pokaneti gosti od makedonskata estrada, a se očekuva prisustvo i na brojni mediumi i novinarski ekipi.
Heraklea, so kapacitet do 4.000 posetiteli, spored Naumovski, ima golemi šansi da bide ispolneta do poslednoto mesto.
„Se nadevam deka Gospod ḱe ni pomogne i vremeto ḱe bide na naša strana, bidejḱi koncertot e na otvoreno. Veruvam vo ovoj proekt i vo publikata“, poračuva Ministerot za estrada. Koncertot vo juli vo Bitola ḱe bide poveḱe od koncert – toa ḱe bide muzička ispoved, jubilej i slavenje na edna trajna kariera.
Biba KRNČESKA
