Deka muzikata ja ima taa Boženstvena moќ da sozdava čuda se uverivme včera večer, koga vo živopisnoto Vladimirovo, vo novo-renoviranata festivalska sala “Vančo Čavdarski” go prosledivme prvoto izdanie na “Folk Fest Vladimirovo” i kako so vremenska mašina se teleportiravme vo zlatnite osumdeseti koga hitovskite refreni cvetaa na folk festivalite.
Da, na Vladimirci im uspea ona što so godini gi mači organizatorite na drugite festivali, a toa e da napravat urnek na festival so hitovski refreni po stara receptura.
E tokmu toa majstorstvo go izvede Goran Alački, idejniot tvorec i producent na ovoj nov folk festival na makedonska novosozdadena pesna, promovirana tokmu vo srceto na Maleševijata na sred Vladimirovo, od kade što vsušnost vodi poteklo i samiot Alački.
Ragjanjeto na idejata za festivalot i celata inicijatva, Goran Alački mošne transparetno od samiot start ja prestavi preku mediumite, taka što jasno stavi do znaenje deka toj e muzičar so vizija. Točno znaeše što saka i kako toa da go izvede, a voedno mu uspea i navremeno da gi realizira site predvideni etapi za festivalskoto finale koi vklučuvaa sozdavanje na pesnite, nivna personalna raspredelba kaj izveduvačite, snimanje na melodiite bez sintetiziran zvuk, renoviranje i puštanje vo upotreba na sala “Vančo Čavdarski” vo Vladimirovo, mediumska afirmacija na site 12 novokomponirani melodii i na krajot televiziska premiera so direkten prenos na prvata programa od Makedonskata Televizija.
Triumfot se sluči pred našite oči, taka što i novinarite uživaa vo dvodnevnata muzička fešta koja započna vo sredata na pladne od Kulturen Centat “Goran Alački” vo Vladimirovo, kade najsrdečno domakinite gi prečekuvaa cenetite umetnici i gosti so merak kafe, ama i so pesna za svoja duša, a potoa site zaedno uživavme vo družbata i šegata, dišejќi go preubaviot planinski vozduh.
Prvata proverka kako zvučat novite pesni se sluči na generalnata proba i ušte togaš znaevme deka nešto posebno ubavo ne očekuva. Ednostavno koga pred sebe gledate veličini od tipot na Dragan Mijalkovski, Vančo Tarabunov, Pero Hristov, Risto Krapovski, Nino Veličkovski, Profesorot Vasil Atanasov, Goran Kukiќ, Blagoja Grujovski, Žaklina Uzunova, Lenče Kukiќ i drugi umetnci, ne sakate ništo da propuštite, pa se trudite maksimalno da gi vospriemite site slučuvanja, zošto takov spoj na umetnici se slčuva mnogu retko i skoro nevozmožna e šansata da bidete pokraj niv vo živo.
Zatoa velime deka ovoj festival i ja vrati dušata na novokomponiranata makedonska folk pesna koja prozvuči živo, veselo, retro i radosno.
Posle probata sleduvaše poseta na restoranot “Mrs” vo Berovo, kade za prv pat probavme neverojatni delikatesi što ne raspametija, a dragata Žaki Uzunova, koja posreduvala pri izborot na restoran ni ovozmoži i lično da gi zapoznaeme mladite soptvenici na ova kultno berovsko mesto. Se razbia i vo “Mrs” padna grlena pesna so koja se napolnija damarite na dušite, pa zadovolni zaminavme na počinka vo Lovniot dom kade bevme smesteni.
Goran Alački bukvalno vodeše griža za site detail od smestuvanje na site prisutni do ispolnuvanje na nivnite očekuvanja, pa taka apsolutno nemaše mesto za zabeleška.
Drugiot den započna protokolarno so berovski bogati doručeci so razgleduvanje na centarot na gradot i so poseta na crkvata vo čest na golemiot hristijanski praznik Spasovden.
Prisustvoto na kolegite od MTV ni ja predoči generalnata proba pred samoto televizisko finale koe započna posle 20.00 časot vo vozoobnovenata festivalska sala vo Vladimirovo što beše prepolna kako so maleševci taka i so gosti od drugite gradovi.
Ubavta atmosvera ja pravat lugjeto a ubavi lugje imaše nasekade, posebno na scenata kade beše rasporeden festivalskiot orkestart sostaven od eminentni muzičari kako Mile Barbarovski pozadi tapanite, Valentno Benedeti na gitara, Risto Krapovski- violončelo, Orce Lazarov- mandolina, Nikola Mitroviќ– kontrabas, Stojan Dimov-klarinet, Lile Avtovska- flejta, Vasil Atanasov -oboa i Goran Alački-harmonika, kako šef na festivalskiot orkestar.
Pred samoto vklučuvanje vo programata na MTV, Goran Alački so uvertira ja podgotvi publikata vo salata za direktniot prenost, a potoa se pojavi holividski glamuroznata voditelka Eli Tanaskova vo poln sjaj i započna festivalskata magija.
Dragan Mijalkovski živata legenda na makedonskata pesna so emotivnata “Tuka sum roden jas” gi predizvika čuvstvata, a posle nego se pojavi Krume Spasovski so rimejkot na
“Čudna žena beše Vera”, ovoj pat nasloven kako “Mirna reka tivko teče”. Posle nego elegantnata Zuica Lazova ja ispea “Srce predavnik”, a potoa so prodorniot vokal Goran Kukiќ ja izvede “Golem merak imam jas”. Emotivnata balada“ Za sekogaš”, ostavena vo amanet od Janko Uzunov, Žaklina Uzunova mu ja posveti na svojot prerano počinat brat, a nejzinata izvedba beše dramatična, zošto pejačkata edvaj uspea da gi zadrži sozlite što i naviraa pri interpretiranjeto na pesnata. Potoa na scenata se pojavi šarmerot Blagoja Gruevski so temata “Ej ženo ti” i vo svoj stil ja šarmira publikata, a posle nego temperametnata Lenče Kukiќnapravi dar mar so hitovskata “Rakija se peče” i ja digna publikata na noze. Atmosverata umetnički ja stabilizira Naum Petreski koj ja izvede pesnata “Goro le goro”, i ja pedizvika publikata na vnimanie, a potoa Vančo Tarabunov vo tipično maleševski stil ja donese pesnata “Jovan delija” koja kako i drugite pesni so ritamot zarazno se lepeše za ušite.
Posle nego na scenata izleze kumanosvkiot boem i šramer na site vreminja Nino Veličakovski, koj otpea vistinski mega hit pesna, “Stara lamba treperi” i site slatko gi nasmea so tekstot koj transparetno ja opeva ljubovta vo noknite sati, a posle nego Pero Hristov ja izvede avtobiogravskata “Liljano moja” posvetena na negovata sopruga. Za kraj kako dvaneseta pesna ostana pesnata na legendarnata Vidanka Georgievska koja poradi zagubata na sinot edinec ne možeše da nastapi na festivalot, pa nejzinata hitovsko-patriotska pesna “Naša Makedonija” ja izvedoa zaedno site pejači na scenata i predizvikaa vistinski ovaciii od publikata. Vsušnost so ovaa pesna završi i festivalskiot prenos na 12te novo komponirani refreni snimeni so avtentičen zvuk vo studio “Klarion” vo Skopje, so koi se podgrea nadešta za hitovska idnina na makedonskata pesna i nejzino povtorno vraќanje na golema vrata.
Festivalskata fešta završi so after parti i svečena gozba vo restoranot “Mis Ston”, kade umetnicite se družea, a novinarite uživaa vo kompletnata atmosvera koja odamna nemože da se vidi po festivalite.
Za “Folk Fest Vladimirovo” ima ušte mnogu da se zboruva, isto kako i za Berovo i generalno za gostoprimlivosta što ja uživavme vo Maleševijata, zatoa naskoro ќe se posvetime poveќe na ovoj festival koj uspea site pozitivno da ne iznenadi…
Biba KRNČESKA
