Iako muzikata e taa što oplemenuva, za žal i taa e nemoќna koga se slučuvaat nepredvidlivi nesreќi i golemi tragedii koi ostavaat pustoš vo životite na mnogu lugje, pa duri i nejzinata moќ e premala za da ja ublaži bolkata. Posle golemata martovska tragdija vo Kočani, vo koja nastradaa šeeset mladi lugje, site zborovi na uteha zgasnaa, a muzikata i umetnicite zanemeeja vo znak na počit i žalost sprema žrtvite.
Mnogute zakažаni kulturni nastani, koncerti и slučuvanja se odložija, a istovremeno celiot Balkan, Evropa i svetot izrazija dlaboko žalenje i sočustvo vo bolkata.
Vo migovite na žalost i trauma na nikogo ne mu beše do pesna i zabava, no isto taka umetnicite ispratija silni poraki so koi izrazija pred se ljubov sprema makedonskiot narod i kako što napiša Željko Bebek – “vo vakvi teški momenti najvažno e da si podademe raka i da pokažeme čovečnost i solidarnost, a Makedonija sekogaš bila silna, pa iskreno veruvame deka i ovaa bolka ḱe uspee da ja prebrodi so ljubov, poddrška i verba vo podobrite denovi koi ḱe dojdat”.
Prv koj vednaš go oglasi odložuvanjeto na svojot koncert beše Kiril Džajkovski, koj preku socijalnite mreži go izrazi svoeto sočustvo i žalenje za zagubata na semejstvata na nastradanite vo Kočani i vo znak na počit go odloži koncertot za filmska muzika što trebaše da se održi na 6ti April vo Makedonskata Opera i Balet za 15ti juni. Toj napomena deka site kupeni bileti ostanuvaat važečki za noviot datum bez potreba od zamena, а dokolku nekoj ima potreba od refundacija, detalnite instrukcii ḱe mu bidat isprateni po elektronska pošta.
Isto taka trite golemi koncerti na legendarniot Zravko Čoliќ koi bea rasprodadeni, a trebaa da se održat na 18ti, 19ti I 21vi Mart se odložija, a balkanskata legenda so golemo žalenje izrazi sočustvo za golemata tragdija što ja zadesi Makedonija.
Najnovite informacii od organizatorskiot tim velat deka koncertite na Čoliќ se prezakažani za 2ri, 3ti i 4ti juni 2025 god.
Pa taka makedonskata publika ќe može posle šest godini povtorno da go sluša nezamenliviot Zdravko Čoliḱ koj na golema vrata se vraḱa vo Skopje. Ovoj pat za prvpat ḱe nastapi so simfoniski orkestar, so 50 vrvni muzičari, Novosadskiot big bend i operskiot orkestar na SNP od Novi Sad. Ova ḱe bide unikaten koncert na Čoliḱ so izvonredni aranžmani pod vodstvo na dirigentot Fedor Vrtačnik.
Poradi formatot na koncertot, arenata „Boris Trajkovski“ ḱe bide uredena isklučivo so sedišta, što znači kapacitet e ograničen. Organizatorite apeliraat publikata navreme da gi obezbedi svoite vleznici i naglasuvaat deka prvite dva koncerti se veḱe rasprodadeni, dodeka za tretiot na 4ti-juni ima okolu 500ni vleznici.
Isto taka koncertite na crnogorskiot kantavtor Sergej Četkoviḱ što trebaše da se održat na 21vi i 23ti Mart, vo Makedonskata filharmonija se prezakažani za 17-ti i 18-ti Juni, so početok vo 20 časot, soopšti produkcijata „Eventum“.
Organizatorite potvrduvaat deka site kupeni bileti ostanuvaat važečki za novite datumi. Dokolku nekoj od posetitelite ne e vo možnost da prisustvuva, može da podnese baranje za refundacija na sredstvata, najdocna do 8 april. Za poveḱe informacii, publikata može da se obrati do organizatorite ili na mestoto kade što biletite bile kupeni.
Za koncertot pak na Pegja Jovanoviќ što trebaše da se održi na 5ti April vo sportskata arena “Jane Sandanski”, veќe najavivme deka e odložen za 15ti Maj, a site kupeni vleznici ḱe važat i za noviot termin. Organizatorite im se zablagodaruvaat na publikata za razbiranjeto i poddrškata, so vetuvanje deka majskiot koncert ḱe bide večer za pametenje.
Vo Sportskiot Centar “Jane Sandanski” koncert na 22ri Mart trebaše da održat i slavnite “Gipsy Kings” ft. Nicolas Reyes, no poradi tragedijata i nivniot koncert e odložen. So ogled na toa što koncertite vo Skopje i Belgrad se povrzani, menadžmentot na bendot i organizatorite od “Avalon” produkcija, donesoa odluka tie da bidat prezakažani za rana esen, vo periodot od poslednata nedela na septemvri do sredina na oktomvri:
„Točnite datumi ḱe bidat dopolnitelno objaveni“, velat od “Avalon”, a site koi ne možat da go čekaat noviot termin ќe može da gi refundiraat sredstvata. Vleznicite može da se refundiraat so ispraḱanje na e-pošta do info@karti.com.mk ili vo prodažnoto mesto kade što bile kupeni. Periodot za refundacija započnuva denes, 26 mart (vtornik) i ḱe trae do 2 april (vtornik). Organizatorite im se zablagodaruvaat na site za poddrškata i razbiranjeto.
Manifestacijata koja isto taka e mnogu sakana i sledena vo Makedonija „Glumcite peat“, koja beše zakažana za 8mi i 9ti April vo Makedonskiot Naroden Teatar, isto taka se odloži za 8mi i 9ti Juni od 20.30 casot vo MNT. Godinešnoto izdanie na „Glumcite peat“ ḱe bide inspirirano od magijata na filmskata umetnost, a na scenata ḱe nastapat 25 izvonredni akteri od različni generacii, pridružuvani od big-bend sostaven od vrvni muzičari. Režiser na šouto e Dejan Projkovski, muzičkite aranžmani gi potpišuva Boban Mirkovski, koreografijata e vo racete na Olga Pango, a pod dirigentskata palka na maestro Ljupčo Mirkovski, ova šou vetuva spektakularno doživuvanje za site ljubiteli na muzikata i teatarot. Cenite na biletite se dvižat od Parter – 2.000, Loži (na scena) – 2.400, Galeriija 1 – 1 i 2 red – 1.600, Galeriija 1 – 3 red – 1.500 i Galerija 2 – 1.200 denari.
Obezbedete karti navreme, zošto mestata se ograničeni, a šouto vetuva nezaboravna večer.
I kako posledno prezakažan koncerten nastan e koncertot na Slatkar i Toni Zen koj trebaše da se održi na 5ti April vo Arena “Boris Trajkovski”.
Umetnicite zaedno so “Pragma” produkcija donesoa odluka koncertot da se odloži za 11ti Oktomvri vo istata sala, a nivnoto obrazloženie do javnosta glasi:
„Ne ni e do pesna, ne ni e do scena, ne ni e do svetlo, ne ni e do mikrofon. Ova što se sluči… ja skina dušata na cela nacija. Nè boli. Nè davi. I ne možeme da se pravime deka ne e taka. Ḱe dojde vreme za muzika, za glas, za sila. Ama sega – samo molk. I počit. Vo ova vreme na taga, edinstveniot vistinski zbor e – tišinata”.
Sepak, so muzika se čini deka prva od makedonskata estrada ќe se oglasi Tamara Todevska, koja ќe održi humanitaren koncert na 17ti April – četvrtok vo “MKC” (Mladinski Kulturen Centar) vo Skopje.
Celta na ovoj koncert e da soberi sredstva za pomoš na semejstvata na žrtvite i povredenite vo tragedijata što go potrese Kočani. Nastapot na Todevska vo “MKC” e solidaren, no isto taka sočustvitelen i emotiven, a taa ḱe gi ispolni najubavite makedonski pesni so koi ќe se obidi da gi obedini srcata na site prisutni. Organizatorite velat deka so sekoj kupen bilet, so sekoja pesna što ḱe bide otpeana zaedno, ḱe se napravi čekor za pomoš na onie na koi im e najpotrebna.
Da pokažeme deka sme narod so golemo srce. Da peeme, da spodelime i da dademe nadež. Site sredstva sobrani od koncertot ḱe bidat nameneti za semejstvata koi izgubija najbliski i za onie što se sè ušte se borat so posledicite od ovaa tragedija.
“Dragi moi, humanosta i solidarnosta se vrednostite koi možat da ja vratat nadežta, a se tolku potrebni za semejstvata na počinatite i povredenite gragjani vo tragedijata vo Kočani. Vo momentite na taga i žalost – da ostaneme lugje, da peeme makedonska muzika, da peeme za Kočani” – porača Todevska preku socijalnite mreži.
Biba KRNČESKA
