25 godini ubava makedonska muzika, 25 godini hitovi, 25 godini kariera – ete tolku polni Drim tim, bendot koj može da se pofali so milionski pregledi na YouTube, svirki bukvalno na site kontineti, brojni sorabotki so niza domašni iminja… I toa ne e sè, no seto definitivno e ubav povod za golem slavenički koncert zakažan na 29-ti noemvri vo Makedonskiot naroden teatar.
Koncertot se najavuva kako vistinsko muzičko patuvanje niz vremeto, niz karierata koja počna vo dalečnata 1999 godina koga togašnata postava na Drim Tim vo koja členuvaa Nikola Kocev, Marijan Kocev, Aleksandar Angelov, Saško Velkov, Angel Ḱosev i Goce Ilioski reši da počne da ja raskažuva svojata muzička prikazna.
Rečeno-storeno, site od prv do posleden vrvni muzičari rečisi ne postoi parče zemja na planetata kade nemaat muzicirano, nema domašen festival na koj nemaat nastapeno, duri i samite ne znaat kolku pesni imaat snimeno i kolku nastapi imaat zapišano vo svojata muzička biografija. Koga se živite nastapi vo prašanje, e tuka se neprikosnoveni – se sviri i pee sè, imaat repertoar za respektiranje.
Segašnata postava na Drim Tim gi vbrojuva Dejan Nikolovski – Čule (vokal), Nikola Kocev (truba), Dimitar Mitrovski (harmonika), Aleksandar Angelov (klarinet/saks), Angel Ḱosev (klavijatura) i Goce Ilioski (tapani) i tokmu tie ḱe bidat zadolženi za muziciranjeto na 29 noemvri, koga na scenata ḱe vidime i del od kolegite so koi sorabotuvale niz godinite. Izvesno e deka na scenata društvo ḱe im pravat “Sintezis”, Vlatko Lozanovski, Marijan Kocev, Suzana Gavazova…
Biletite veḱe se pušteni vo prodažba, i toa preku prodažnata mreža na MNT, odnosno na biletarnicata, a po ceni od 500 vo galerijata i 800 denari vo parterot.
-„Počituvani kolegi, rodnini i prijateli, so ogromno zadovolstvo Vi go najavuvame našiot dolgoočekuvan koncert, 25 godini postoenje na Drim Tim. Ve pokanuvame da bidete del od našiot koncert koj ḱe se održi na 29 noemvri vo Makedonski naroden teatar”,– velat členovite na Drim tim i vetuvaat deka publikata može da očekuva odlično spakuvana prikazna vo koja ḱe uživaat i najprebirlivite, a onie koi sakaat da uživaat vo ubavata makedonska pesna na 29 noemvri so sebe treba da ponesat samo dobro raspoloženie.
Biba KRNČESKA
