Podgotovkite za pretstojnoto 31. izdanie na popularniot „Ohrid fest – Ohridski trubaduri“ se vo poln ek: godinava festivalot ḱe se slučuva na 30 i 31 avgust na dobro poznatata, veličenstvenata scena na Dolni Saraj.
„Ohrid fest“ e eden od najpoznatite muzički festivali koi niz svojata istorija ostavija seriozna traga vo našata muzička industrija, no e poznat i nadvor od granicite: izminatite tri decenii dopre do nad 200 milioni gledači, se emituvaše vo pedesetina zemji vo Evropa i niz svetot, vo festivalskata biografija e zapišano deka na nego nastapija pejači od 37 zemji, no toj e i značaen simbol na gradot Ohrid.
-Tokmu zatoa „Ohrid fest“ široko gi otvara vratite za site ohrigjani i za onie što vo toj period ḱe bidat vo ubaviot Ohrid, bidejḱi vlezot e sloboden – informira Grigor Koprov, prviot čovek na festivalot. „Što se odnesuva do ova izdanie, so celoto iskustvo što go imam i so združeni sili na timot so koj rabotime so godini, ne očekuva odličen festival, so mnogu dobri pesni, so nastapi na našite dokažani iminja, gosti od stranstvo, zvezdite od eks-ju no i mnogu mladi pejači. Novinata e što od godinava imame sorabotkata so “Kanal 5”, sorabotka na koja iskreno se raduvam – završi Koprov.
Tradicionalno festivalot ḱe započne so Folk večer niz koja ḱe vodi šarmantnata Irena Spirovska i kade pokraj dokažanite Blagoja Grujovski, Katerina Taneva, Blagica Pavlovska, Petar Nečovski, Milica Kuzmanovska, grupa „Bioritam“.., šansa za ubav start ḱe imaat i novi muzički nadeži. Internacionalnata večer e rezervirana za pop – muzikata i mladite no i za etablirani iminja od Srbija, Hrvatska, Bosna, Slovenija, Bugarija…
Omilenata voditelska dvojka Marjana Stanojkovska i Vasil Zafirčev ḱe bidat na svoite pozicii, a na festivalot ḱe gi vidime Jelena Tomaševiḱ, Dado Topiḱ, Goca Tržan, Srgjan Marjanoviḱ, Brano Likiḱ, Toni Mišel, Princ od Vranje…
Ohrid- fest gi podržuva mladite, no e poznat i kako festival koj ima dolga memorija i gi počituva umetnicite koi ostavile traga vo muzikata, ne go zaborava kvalitetot na umetnicite koi za adutot go imaat traenjeto. Vo toj kontekst, za bezvremenska pesna e proglasena „Odiseja“ što maestralno ja pee Leo Martin, kompozicija koja go izdrža testot na vremeto od 1973 godina.
Organizatorite najavuvaat ušte iznenaduvanja, a direktniot prenos na „Ohrid fest“, na 30 i 31 avgust, od 21 časot godinava ḱe se slučuva na televizija Kanal 5. „Ohrid- fest“ ostanuva dosleden na sebe si, da slušate, gledate i uživate vo muzikata!
Biba KRNČESKA
