Vo organizacija na Opština Prilep i Prilepskata čaršija, se podgotvuva tretiot po red „OUTLET Weekend“ vo Prilep koj ḱe se održi od 14ti do 17ti fevruari i go nosi imeto Valentine Outlet Weekend, poradi praznikot Sveti Valentajn.
Prilepskite duḱanđii i ugostiteli na svoite izlozi ḱe imaat poster so zaštitnoto logo od nastanot, za kupuvačite da znaat kade možat da pazarat vo ovie četiri dena so popust.
Nastanot vo svoite dve prethodni izdanija predizvika navistina golem interes, osobeno kaj kupuvačite od regionot: Bitola, Kruševo, Dolneni Krivogaštani, Novaci, Mogila, Resen, Kičevo, Makedonski Brod, Kavadarci, no i poširoko od Makedonija, bidejḱi Prilep pokaža deka znae da ponudi šoping zabava.
I ovoj pat popusti kako što očekuvame i kako što velat prilepskite trgovci, ḱe ima do 50%! Popustite i propratnata zabavna programa sigurni sme deka ḱe sozdadat edna ubava atmosfera koja ḱe predizvika pozitivno iskustvo kaj site kupuvači što ḱe go posetat Prilep vo ovie 4 dena.
Na samiot den Valentajn na nekolku punktovi niz gradot ḱe se nudi greano vino i rakija, a vo ostanatite denovi posetitelite ḱe gi animiraat renomirani DJ i kukleni animatori.
Interesni sodržini i paket-uslugi so popust za vreme na održuvanjeto na ovoj nastan ḱe ponudat restoranite i kafeteriite što ḱe pretstavuva posebno uživanje za site onie koi što ḱe dojdat na šoping vo Prilep od 14ti do 17ti fevruari. Lokalnata samouprava na Opština Prilep ostanuva veren partner na prilepskata čaršija, koja što nadaleku e poznata po svojata ekskluzivnost, kvalitet i trgovski šarm.
Za site informacii i slučuvanja od nastanot ljubitelite na šopingot i posetitelite na „Valentine Outlet Weekend“ ḱe možat da se informiraat dokolku ja sledat fejsbuk fan stranata od Opština Prilep i Instagram profilot koj što e kreiran za ovoj nastan.
Biba KRNČESKA
