„Posledniot pat koga bev vo Skopje bev vo salata „Boris Trajkovski“ i si pomisliv ‘koga bi imala jas koncert ovde’… i ete želbata mi se ostvari. Ovaa ljubov, ovaa energija što gi počuvstvuvav večerva ne možat da se opišat so zborovi. Navistina im blagodaram na site zatoa što go imav dosega možebi eden od najemotivnite koncerti. Skopje blagodaram, si pominav preubavo“, reče Jelena Rozga po završuvanjeto na sabotniot solistički koncert vo ramki na turnejata „Minut srca mog“.
Pred prepolnata „Boris Trajkovski“ Jelena gi otpea svoite najgolemi hitovi, kako i onie od vremeto na grupata Magazin kade členuvaše na startot od svojata muzička kariera.
Koncertot beše vo organizacija na Skajmjuzik produkcija, regionalniot lider vo organizacijata na najgolemite muzički nastani i festivali, a publikata osven što imaše možnost da uživa vo glasot na Rozga, odličnite koreografii za koi društvo na scenata i pravea 12 tančari predvodeni od slovenečkiot koreograf Žiga Sotlar, uživaše i vo vizuelniot spektakl za što pridonesoa poveḱe od 400. kvadratni metri LED ekrani, preku 300 svetlosni tela, poveḱe od 500 iljadi vati zvuk.
Rečisi sekoja numera imaše posebna koreografija, a sekoja pesna svoja animacija i specijalni efekti, i toa počnuvajḱi od laseri do pirotehnika. Unikatna po oblikot i goleminata beše i binata, a posebnite pisti što vleguvaa vo parterot ponudija edinstvena možnost onie vo prvite redovi.
Jelena na scenata se pojavi vo nekolku modni izdanija, i toa blagodarenie na modniot dvoec Envy, a kolku i znači koncertot vo Skopje i kolku navistina se podgotvuvaše za ovoj nastap dovolno zboruva faktot deka izgledaše sosema porazlično od koncertite koi veḱe gi održa vo regionot vo sklop na turnejata „Minut srca mog“.
Deka publikata uživaše i imaše možnost da ja vidi Jelena Rozga vo sosema porazlično izdanie dovolno zboruvaat i komentarite po koncertot, no i atmosferata vo salata.
Od prviot do posledniot takt vistinsko „muzičko cunami“ i horsko peenje, krenati race i nasmeani lica, no i faktot deka i po rečisi tri časa retko koj sakaše da si zamine doma.
Rozga vo Skopje dojde za da go ostvari svojot son, a zamina polna so emocii i ljubov, no i vetuvanje – Skopje se gledame pak!
Do slednata družba vo Skopje, turnejata prodolžuva niz regionot, a sledni stanici se Zadar na 8 mart i saraevska „Zetra“ na 2 noemvri.
Biba KRNČESKA
Foto: Vangel Tanurovski
