„Pileto mi pee“ e novata muzička folk slikovnica što ja izdade “Folkonika”. Slikovnicata e del od proektot „Za inkluzivna narodna pesna i soživot“, koj se realiziraše vo gradinkite, osnovnite učilišta i pomegju mladite so poprečenost, vo srednoto obrazovanie, vo Opština Gazi Baba – Skopje.
Slikovnicata e izrabotena spored istoimenata makedonska narodna pesna, a ilustrirana so avtorskite likovni dela na akademskiot slikar Goran Boev.
Vo nea se sodržani i stranici za boenje na narodni instrumenti i notni zapisi i melografija, kako i tekst, so što se dobiva novo edukativno četivo i vo delot na likovnoto, muzičkoto i literaturno izdavaštvo za deca. Grafičkiot dizajn vo slikovnicata e napraven od Medija konsalting i Mila Georgievska, a muzički sorabotnik e Slavejko Girazov.
Vo ramkite na proektot, bea održani muzički rabotilnici, kade se prezentiraše makedonskata narodna muzika i muzikata na ostanatite nacionalnosti, kako i folklornata tradicija, za da se zapoznaat decata so svojata i tradicijata na svoite drugarčinja.
Preku rabotilnicite, decata, kako i decata so poprečenosti se vovedoa, mnogu poveḱe, vo svetot na narodnoto muzičko tvoreštvo i folklorot, preku prenesuvanje na porealna forma, poprifatliva za niv, so nivno aktivno učestvo, preku zapoznavanje so narodni instrumenti, narodni pesni, preku zapoznavanje so prvite muzički folk slikovnici, preku motiviranje da crtaat i da ja doživeat makedonskata narodna pesna, stavajḱi gi pred nov predizvik, što e vozbudliv za nivnata vozrast da ilustriraat likovi od narodnite pesni, kako što tie ḱe gi doživeat. Voedno, možea da se zapoznaat odblizu so našite estradni umetnici, folkloristi, svirači na narodni izvorni instrumenti, so što dobija podobra pretstava za muzičkoto narodno tvoreštvo i folklorot.
Inaku promocijata na slikovnicata se održa vo Osnovnoto učilište „Grigor Prličev“ Skopje, vo Opština Gazi Baba, kade bea izvedeni muzičkite dela na nagradenite učenici, a bea vračeni i nagradi i priznanija na najdobrite.
Proektot ima osnovna cel da pridonese kon podobruvanje na sostojbite vo delot na edukacijata na decata za značenjeto i vrednuvanjeto na narodnoto muzičko tvoreštvo, kako simbol na nacionalniot identitet. Isto taka, ovoj proekt pridonese vo delot na dostapnosta na edukacijata za decata so poprečenost, kako i vklučenosta na licata so poprečenost vo izučuvanje i začuvuvanje na narodnoto muzičko kulturno bogatstvo.
Biba KRNČESKA
