Se čuvstvuvam počesteno što vo prvite imav možnost da ja preslušam novata pesna na ženata fenomen Dobrila Čabriќ Ivanovska so fenomenalen naslov “Ja još uvek nisam rekla sve”.
Avtobiografska pesna koja senzualno no istovremeno i energetski ja prenesuva životnata flozofija na edinstvenata Dobi, kako najčesto ja oslovuvaat mnogute obožavateli ovaa posebna dama, koja i vo desetata decenija od životot e nestvarno harizmatična, polettna, duhovita i fantasična.
So avtorite Ceca Sjekloca i Živojin Glišiќ
Vsušnost možnosta i česta da doznam za ovaa pesna mi ja priredi avtorkata na muzikata i tekstot, izvonrednata Ceca Sjekloca, za koja svoevremeno pišuvavme na našiot portal i koja osobeno ja počituvam kako intelektualka i avtor so isklučitelno prefinet tvorečki sens. Me zaintrigira snimkata koja ja dobiv i čim ja čuv pesnata jasno mi beše deka Dobrila dobila vistinsko avtorsko remek delo, koe go potpišuva maestralen tim, taka da pokraj Ceca Milovanoviќ Sjekloca, aranžmanot go srabotil profesorot Živojin Glišiќ, a pesnata e snimena vo studioto “City Sound” vo Skopje, so producentot i ton majstor Ljupčo Sokolovski, dodeka harmonikata ja otsviril Darko Ilievski, a klarinetot Novica Sokolovski. Ovoj “dream team” na izbrani profesionalci, majstori na svojot zanet se dovolna garancija za kvalitetot na pesnata, a eve što veli avtorkata za sorabotkata so Dobrila, za nejziniot neverojaten habitus i možnosta tokmu za nea da sozdade edna vakva avtobiografska pesna:
– Dobrila Čabriќ za prv pat ja vidov vo muzičkiot serijal “Nikad nije kasno”, vo koj pred 5 godini ja osvoi nagradata od publikata. So svojata harizmatična pojava, vedrina i smisol za humor, ja osvoi ne samo Balkanskata, tuku i ostanatata publika kade što se prati emisijata. Gledav nekoi nejzini intervjua i gostuvanja vo televizijski emisii i posakav da napišam pesna za nea.
So profesor Živojin Glišiќ
Koga ja zapoznav lično i na podarok ja dobiv nejzinata avtobiografska kniga (izdadena na srpski jazik), pesnata so naslov “Ja još nisam rekla sve”, veќe beše spremna za snimanje. Mnogu i se bendisaa i muzikata i tekstot. Aranžmanot go izgotvi profesorot Živojin Glišiќ, a pesnata se snimi vo “Siti saund” studio vo Skopje, kade kako producent i ton majstor se potpišuva Ljupčo Sokolovski, a kako solisti bea pokaneti Darko Ilievski-harmonika i Novica Sokolovski-klarinet. Celiot tim se složi pesnata, kako kompleten proizvod da bide podarok za Dobi, vo čest na nejziniot minat trud, nejziniot nepresušen izvor na energija i volja za život, koi možat da bidat primer za site nas. Ne i bilo lesno vo životot, no kako što kažuva pesnata, posle sekoj pad, taa stanuva i ušte pojaka prodolžuva ponatamu.
Žena fenomen Dobrila Čabriќ Ivanovska
Taa ne miruva, postojano ima planovi za životot i idninata. Imaše povik za gostuvanje vo nekolku gradovi vo Avstralija, no za žal, ne dobi viza. Barem za sega, kako što veli taa vo šega. Karierata ja počnuva kako glumica vo Makedonskiot Naroden Teatar, kade što igra vo predstavi so najgolemite teatarski iminja od toa vreme. Posle toa, nejzinata kariera prodolžuva i vo oblasta na muzikata i doma i vo stranstvo.
Kako i kaj site javni ličnosti i kaj nea se isprepletuvaat karierata i ličniot život, pri što trpat i ednoto i drugoto. No i vo dvete, ljubovta e stožerot, glavnata vodilka za koja Dobi se držela i togaš i denes.
Taa e čovek što gi saka i lugjeto i životnite i rastenijata. Vo nejzinata kuќa vo Dojran, taa se griži za dve malteški pudlici i nekolku mačinja. Ima mnogu prijateli, gosti vo letniot period, koga i samata sekoj den odi na nekoe nejzino mesto vo ezeroto i pliva po dva časa. Veli deka od ezeroto ja crpi taa energija što ja ima. Zimno vreme e malku vo Skopje, malku vo Belgrad.
Dobrila vo studio spremna za snmanje na pesnata
Sega ima pokani za gostuvanje vo nekolku televizii vo Srbija, promocija na knigata ušte vo nekolku gradovi, no ne ja zapostavuva ni domašnata scena.
Pokraj pečatenje i promocija na avtobiografskata kniga na makedonski jazik, vo soraboka so teatarot, planira na prolet da ja postavi istata vo vid na monodrama, pri što pokraj monolozite, ќe pee mnogu romansi, šansoni, pesni od svojot repertoar koi gi peela na svoite nastapi vo Rusija, Francija i drugi državi, pred poznati i eminentni ličnosti. Ќe bide toa interesna predstava kade što vo interakcija so publikata, pokraj drugoto, ќe dojdat do izraz i nejzinata duhovitost i smisol za humor.
Što da se kaže poveќe, retko koja pomlada osoba može da se pofali so tolku planovi i aktivnosti. Navistina treba da bide primer za mnogumina od nas vo odnos na ljubovta kon životot, kon sozdavanjeto na novi vrednosti. Ete, mene mi dava podstrek za tvorenje na novi pesni i veќe ima nekolku koi treba da se finiširaat. Ušte mnogu ima da se zboruva za Dobrila Čabriќ, no da go počekame izdavanjeto na nejzinata kniga na makedonski jazik, pri što ќe se zapoznaeme podetalno so eden neverojatno dinamičen, buren, interesen no i stresen život, poln so peripetii, dramatični situacii, usponi i padovi, no sekogaš so nejzinata podgotvenost da se nadmine se i da se odi napred. A do kade i kako ќe odi toj “Pat kon stotata”, (kako što e i naslovot na nejzinata kniga), ќe vidime. Životot ќe kaže – ni izjavi voshiteno Ceca Sjekloca koja na eden pragmatičen i inspirativen način ja poddrža životnata filozofija na edinstvenata Dobrila Čabriќ i nejziniot fenomen na koj svedočime kako sovremenici…
Biba KRNČESKA
