Velat legendite inspiriaat i posle smrtta, a toa najslikovito moževme da go prosledime vo četvrtokot večer vo Skopje, vo domot na ARM kade se održa koncertot na “Tanec”, posveten na 100 godišninata od ragjanjeto na golemata Vaska Ilieva.
Odlično koncipiran i osmislen, ovoj nastan na eden dinamičen i slikovit način ni go približi životot, a pred se golemata i plodna kariera na neprikosnovenata Vaska Ilieva koja, kako što reče nejziniot pravnuk “živeeše kako legenda, zamina kako legenda i posle smrtta živee kako legenda”. Ednostavno kažano karierata na Vaska Ilieva duri i za denešni pojmovi e redok dostrel, a nejzinata vokalna interpretacija, glasovnite možnosti i celosniot potencijal se svoeviden fenomen za koj seušte so voshit se zboruva. Tokmu tie momenti moževme da gi osoznaneme preku video dokumentarecot so koj počna koncertot, a vo koj beše sublimirano bogatoto tvoreštvo na golemata folk diva i nejzinata apsolutna energetska dominacija na estradnata folk scena, kako so izborot na pesni koi gi snimala, taka i so koncertnite turnei koi traeele po nekolku meseci i so koi go obikolila svetot, no i so nastapite pred najgolemite svetski državnici, kralevi i pretsedateli koi uživale vo nejzinata pesna i posebnata boja na glas.
Koncetot go otvori prvenkata na “Tanec”, maestralnata Suzana Spasovska so pesnata “Sudbo moja sudbino” i ušte ednaš go potvrdi blagoslovot od samata Ileva kako nezjina naslednička i pesnopojno grlo što oplemenuva. Suzana se pojavi poveќe pati na scenata, izveduvajќi gi pesnite ”Sestra brata moli za večera”, potoa vo duet so kolegata Kiril Mitoski ja otpea pesnata “Or neveste Stojanice”, a isto taka ja izvede i numerata ” Snošti pojdov mila mamo na sedenka”, za na krajot da go zatvori koncertot so obnarodenata himna “Zemjo Makedonska”, na koja i se pridružija ostanatite kolegi no i publikata koja ispravena vo eden glas go skandiraše imeto Makedonija!
Ova beše poseben moment koj na eden spontan način gi istakna patriotskite čuvstva na makedoncite, što često doagjaat do izraz tokmu preku pesnite, a isto taka ja potvrdi rodoljubivosta na Vaska Ilieva koja vo svoeto bogato muzičko tvoreštvo sekogaš ja neguvala makedonskata pesna i nikogaš ne snimila pesna na drug jazik.
Vsušnost Vaska Ilieva svojata muzička kariera ja započnala vo Državniot ansambl za narodni igri i pesni “Tanec”, vo dalečnata 1950 godina i ovoj namenski koncert vo čest na 100 godišninata od nejzinoto ragjanje e svoevidna posveta na znamenitata členka i na nejziniot antologiski opus na izvorni i avtorski pesni.
Koga sme kaj toj opus na koncertot bea selektirani najprepoznatlive pesni što Vaska Ilieva gi snimi i populariza za vreme na svojot život, a bea izvedeni od najdobrite solisti na “Tanec”, kako što se mladite Elena Andonovska, Gabriela Novevska, Ivana Serafimovska, no i maškite vokali, Kiril Mitoski, Dace Nikolovski i Goce Conevski.
Posebno iznenaduvanje beše interpretacijata na solistkata Gabriela Novevska koja glasovno najblisku se približi do avtentičnata izvedba na Ileva, pa vo eden moment publikata dobi vizija kako da ja sluša samata Vaska.
Site izbrani pesni bea apsolutno točno vokalno raspredeleni, a posebno osvežuvanje beše folklornata izvedba na “Dračevka”, postavena vo dalečnata 1959 godina, koga Vaska Ileva premierno ja izvedila pesnata “Zasviril Stojan posviril”.
Ovaa koreografija predizvika apsolutno oduševuvanje od publikata koja uživaše vo besprekornata koordinacija na igraorcite i nivnata gipkost i pokretlivost.
Muzičkite adaptacii, aranžmanite i orkestraciite na site izbrani točki bea od Darko Ilievski koj voedno go rakovodeše i orkestarot.
Na krajot od koncertot Suzana Spasovska ja pokani na scenata vnukata na Ilieva, Duška Bangieva koja vo pridružba na svojot sin ja primi blagodarnicata za svojata baba, odnosno za nejziniot osoben pridones vo razvojot i rastot na “Tanec”. Duska ne možeše da gi sokrie emociite koi i predizvikaa solzi, pa obraќanjeto mu go prepušti na sinot koj vo ime na semejstvoto upati blagodarnost do N.U.”Tanec” i do site činiteli što pomognaa da se održi ovoj koncert.
Biba KRNČESKA
