Kako što najavija organizatorite, godinešnovo 38-mo izdanie na festivalot na zabavna muzika „Makfest 2023“ vo Štip, spored spisokot na muzički iminja i kvalitetot na pesnite koi ḱe gi izveduvaat, nudi mošne atraktivna muzička ponuda.
Pokraj onie pomladite ili pomalku afirmiranite muzički iminja koi ḱe nastapat vo prvata festivalska večer, vtorata najavuva vistinska makedonska muzička „prva liga“ zasilena so nekolku makedonski super zvezdi. Nekoi od niv pred izvesen broj godini učestvuvale na „Makfest“, nekoi za prv pat ḱe zastanat na festivalskata scenata na domot na kulturata vo Štip, no site zaedno se edni od najgolemite makedonski muzički iminja so brojni hitovi zad sebe što i denes gi pejat i povozrasnite i pomladite, a radio stanicite so godini ne prestanuvaat da gi vrtat.
Edno od niv spagja megju najgolemite makedonski pop zvezdi na site vreminja, čovekot koj napišal i ispeal desetici hitovi i ostavil zad sebe duzina bezvremenski baladi koi gi peat nekolku generacii. Ili što bi rekle pejačot za site vreminja i site vozrasti, „čairskiot romantičar“ Vlado Janevski povtorno ḱe pee na „Makfest“. Trieset (30) godini po „Čairska romantika“, zvezdata vo svoite „zlatni godini“ se vraḱa na scenata na najugledniot makedonski festival na zabavna muzika i toa tokmu so pesna naslovena „Zlatni godini“.
-„Trieset godini posle „Čairska romantika“ i „Eden baknež“ doagjam povtorno na Makfest… Na 21-vi oktomvri so nova pesna naslovena „Zlatni godini“… Se gledame na „Makfest“! – ḱe porača Vlado vo svoeto video-obraḱanje na Instagram, kako najava za negovoto učestvo na festivalot.
Pokraj nego, megju ostanatite poznati muzički iminja kako što e veḱe najaveno godinava ḱe nastapat ušte duzina makedonski muzički zvezdi, megju koi i: čuvarite na makedonskata etno tradicija, grupata „Ljubojna“, Andrijana Janevska, Lambe Alabakoski, Bojana Skenderovski, Aleksandar Tarabunov, Ognen Zdravkovski, Tasko…
I ušte grst drugi poznati iminja od „prvata liga“ na makedonskata muzička scena, koi ḱe se pojavata na festivalskata scena, za da sozdadat „muzička festivalska simfonija za cela Makedonija“ – kako što glasi i godinešniot festivalski slogan.
Se razbira istite zasileni so šeste najdobri so najvpečatlivi pesni i nivnite izveduvači od prvata festivalska večer, koi ḱe im se pridružat na onie vo vtorata makfestovska noḱ na zvezdite.
Niz dvete festivalski večeri koi i godinava direktno ḱe gi prenesuva MRT, publikata vo domot na kulturata vo Štip kako i onaa pokraj TV ekranite i ovoj pat ḱe ja vodat festivalskite domaḱini, poznatata voditelska dvojka Marjana Stanojkovska i Dimitar Atanasovski. No pred i za vreme dvete festivalski večeri na crveniot tepih, na scenata i zad nea – vo bekstejdžot ḱe se pojavat i nekolku drugi poznati makedonski estradni i javni ličnosti, vo uloga na festivalski prezenteri.
Sepak kompletniot spisok na učesnici vo obete festivalski večeri, site detali i poedinosti okolu scenata, izvedbite, pravilata i propoziciite… i seto ostanato što ḱe se slučuva na godinešniot „Makfest 2023“ javnosta ḱe bide zapoznaena na oficijalnata PRESS konferencenija za mediumite i novinarite koja ḱe se održi na 12-ti oktomvri, četvrtok, vo 12.00 časot vo hotelot „Hilton“ vo Skopje.
Se’ na se, godinava ne očekuva eden malku poinakov, muzički posvež, pomoderen i potrendovski festival, zbogaten so golemi muzički iminja od makedonskata estrada, a od druga strana i izbor na pesni za site generacii… Od onie što vednaš stanuvaat instant hitovi, do onie što ḱe ostanat bezvremenski evergrini, kakvi što Makfest otsekogaš znael da dade. Zatoa i se očekuva i ovaa da bide edna od onie makfestovski „zlatni godini“!
Biba KRNČESKA
