Letnata sezona veќe vleguva vo svojata finalna faza, a muzičarite nagolemo se angažirani po raznite privatni proslavi koi go imaat primatot vo ovoj period, taka što logično e deka vo studio vleguvaat namenski dokolku gi očekuva nekoj festivalski nastap. Sepak ova leto muzički svoj beleg dobi preku proektot “Makedonijo vo srce te nosime” na Skenderovski produkcija, so koj se vratija vo žižata na interesot 12 makedonski obnarodeni pesni, 12 makedonski biseri koi ovoj pat aranžmanski gi preoblikuva Nikolče Micevski. Za prepevot na ovie pesni bea izbrani pejači so različen žanrovski izraz koi kompaktno se nadopolnija i mošne avtentično približija do orginalite.
Osvem proslavenite i dokažani estradni iminja, vo ovj proekt zedoa učestvo i mladi, nadežni pejači, a edna od niv e talentiranata Marija Spasovska, koja ja otepa proslavenata pesna na legendarniot Jonče Hristovski “Oj Vardare Makedonski”. Ovaa pesna budi posebna emocija ušte so prvite taktovi, a spagja megju kompoziciite koi ostanuvaat trajno vrežani vo makedonskiot muzički kod. “Oj Vardare Makedonski” e vistinsko muzičko remek-delo koe gi razgaluva srcata i dušite na Makedoncite kade i da se. Orgnalno ja otepa kako što napomenavme velikanot Jonče Hristovski i toa beše verojatno ušte pogolem predizvik za mladata Marija Spasovska da se dokaže preku svojata interpretacija i da go potvrdi mladeškiot talent što publikata go naseti preku nejzinite nastapi na “Detski potočnja”, mjuziklot “Tajno moja” i Detskata Evrovizija:
– Sreḱna sum što sum del od proektot „Makedonijo vo srce te nosime“ i so posebna radost ja prifativ pokanata i idejata da ja otpeam ovaa pesna. „Oj, Vardare makedonski“ otsekogaš bila moja želba, osobeno zatoa što sum poranešen člen na RK Vardar, no i niven najgolem fan. So Nikolče imavme odlična sorabotka za vreme na snimanjeto i mislam deka zaednički uspeavme da doneseme nov, svež zvuk za ovaa moḱna pesna koja prvenstveno treba da im stane omilena na mladite, odnosna na mojata generacija, veli Marija i dodava deka bi sakala da snimi ušte nekoja vakva prerabotka, a vetuva i novi muzički proekti.
Da potsetime deka pesnata „Oj, Vardare makedonski“ e himna na FK Vardar, pa sosema očekuvano i Komitite se del od video zapisot što ja prati ovaa prerabotka, što voedno znači, deka celiot proekt e vklučen i vo inicijativata za poddrška na najtrofejniot makedonski fudbalski klub.
Inaku sekoja pesna od genijalniot Jonče Hristovski e svoevidna makedonska himna, a toa posebno važi i za pesnata “Edno ime imame” koja ovoj pat ja prepea Aleksandar Tarabunov poznat kako Tara:
–„Edno ime imame“ ja peam odamna i mi e mnogu draga pesna, mi budi ubavo čuvstvo za Makedonija i gord sum što ja prepeav i imam možnost da ì ja pretstavam na publikata vo edno novo ruvo“, veli Tarabunov, pa se prisetuva na edna ubava slučka povrzana tokmu so makedonskata folk legenda: „Odamna mi beše golema želba da prepeam nekoja od bezvremenskite pesni na Jonče Hristovski bidejḱi bea golemi drugari so tatko mi. Se seḱavam deka koga bev mal na eden moj rodenden Jonče mi podari cela ḱesa džamlii „crnki“ koišto vo toa vreme bea najvrednite. So rodendenskiot podarok izlegov vo maalo da igram so drugarite i pogolemite me namirisaa i mi gi ḱarija site džamlii. Koga se vrativ doma tatko mi me praša kade mi se džamliite od Jonče, e a koga dozna kade se otide na vrata da im gi bara ha, ha, ha…
Startot pak na ovoj avgust, vooči najgolemiot nacionalen praznik “Ilinden” go odbeleža promocijata na veličenstvenata “Zavetna” vo izvedba na Bojana Skenderovski koja se potrudi i emotivno i vokalno da gi predizvika najvozvišenite čuvstva na Makedoncite:
–„Zavetna“ e poveḱe od pesna, taa e himna… Vo sebe ja sodrži seta vistina za Makedonija i kako istorijata da se povtoruva od vremeto koga bila sozdadena pred 30 godini denes nejzinoto značenje e ušte pogolemo… Sakam da izrazam ogromna blagodarnost do Mile i Gjeorgi Barbarovski koi ni ostavija vakvo muzičko, brilijantno delo… Apeliram Pepi Baftirovski posthumno da dobie nagrada za poseben pridones vo muzikata kako nacionalen umetnik od državata. „Zavetna“ e pesnata koja gi obedinuva Makedoncite na sekoja točka vo svetot, taa vo isto vreme ti predizvikuvaa milion različni emocii, te tera i da plačeš, i da bideš silen, i gord na toa što si. Prv pat ja otpeav vo 2011 godina vo emisijata „Zajdi, zajdi“ i se seḱavam deka sega veḱe pokojniot Milan Zavkov mi reče: ‘Bojana bravo, kako se seti na pesnata, jas go snimav studiskiot del od aranžmanot koga ja podgotvuvame za Pepi…’ Inaku, sakam da se zablagodaram na celiot naš tim koj raboti na ovoj proekt, na mojot i naš producent Vasko Skenderovski, na Nikolče koj napravi čista umetnost so prerabotkite, na tehničkata ekipa koja raboti na audio i video delot od proektov, na moite kolegi koi bea vistinski profesionalci, na timot koj go raboti PR-delot i koj e zadolžen seto ova da dopre do publikata, i na site mediumi koi ni davaat bezrezervna poddrška…. I na kraj ogromna blagodarnost na celiot makedonski narod što go saka „Makedonijo vo srce te nosime”!“, porača Bojana.
Biba KRNČESKA
