Silen odziv i vistinsko vooduševuvanje predizvika informacijata deka Avalon Produkcija ja nosi slavnata gudačka ženska “Bond” formacija vo Makedonija, potočno vo Skopje vo Makedonskata Filharmonija. Mnogu našinci što živeat niz svetot so vooduševuvanje ja spodelija ova vest najavuvajќi specijalno doagjanje vo tatkovinata samo za da go prosledat nastapot na četirite atraktivni gudistki koi so raskošniot muzički talent raspametuvaat. I bidejќi reakciite ne stivnuvaa, a interesot rasteše se oglasija povtorno od Avalon Produkcija so nova i ušte poubava informacija najavuvajќi ušte eden koncert na “Bond” bendot koj ќe se održi na 20 Maj vo centarot za kultura “Anton Panov” vo ubavata Strumica:
-“Posle golem broj kritiki deka osven vo Skopje i na leto vo Ohrid nikogaš ne sme se obidele da rabotime svetski iminja i vo ostanatite gradovi vo Makedonija, rešivme da stavime kraj na toa.
Po povod 30 godini Avalon Produkcija, na menadžmentot na “Bond” mu predloživme vtoriot koncert na “Bond” namesto vo Skopje da se održi vo nekoj drug grad i devojkite toa so zadovolstvo go prifatija.
Izborot padna na Strumica, bidejḱi vo 30 godini postoenje, tamu imame sraboteno mnogu mal broj koncerti od bilo koj tip i kalibar.
Kvartetot “Bond”, narekuvan ušte i „Spice girls na klasičnata muzika“ e superbrend vo svetot na muzikata koj e istovremeno i najprodavaniot gudački kvartet na site vreminja. Kako unikatna svetska gudačka atrakcija, Bond imaat prodadeno neverojatni 5 milioni albumi niz celiot svet, 56 platinski i 15 zlatni tiraži na svoite izdanija, kako i ogromen broj na rasprodadeni turneji niz Evropa, Amerika, Avstralija, Centralna Amerika i Azija.
Se raboti za ekskluziven koncert so kapacitet od SAMO 600 vleznici! Vleznicite se veќe vo prodažba od (12-ti April) onlajn na avalon.mk i širum prodažnata mreža na Avalon niz Makedonija po cena od 1.500 denari. Bidete brzi – soopštija od Avalon Produkcija.
Biba KRNČESKA
