Po odličnata „Sreḱa i nesreḱa“ Bojana Skenderovski denovive na javnosta ì ja pretstavi moḱnata balada so naslov „Sonce megju senkite“. I ovaa kompozicija kako što veḱe najavi ḱe bide del od noviot studiski materijal što paralelno se podgotvuva i za domašniot, no i za pazarot vo sosedstvoto.
– Interesno za ovaa tema e što voopšto ne mi beše vo plan nitu da ja snimam nitu da se najde na veḱe najaveniot album, no štom ja slušnav bukvalno se vljubiv, što se veli, na prvo slušanje i ednostavno ne možev da ì oddoleam, pa morav da ì najdam mesto na albumot. Se raboti za pesna i tekst i muzika, koja budi nekoja magična emocija, i navistina veruvam vo nea – veli Bojana.
“Životot ne ti e kriv što telo brgu se zaborava za čas, pamtiš samo duša ubava, dušo moja” – pee Bojana vo eden stih od “Sonce megju senkite”, koja ja potpišuva tekstopisecot Robin Zimbakov, dodeka muzikata i aranžmanot se na Srgjan i Kristijan Jovanoviḱ. Spotot pak, čija prikazna go sledi samiot tekst e snimen so režiserot Dario Jankoviḱ na poveḱe lokacii niz glavniot grad.
Bojana osven makedonska, snimi i srpska verzija so naslov „Enigma“. Tekstot za srpskata verzija e na Divna Milovanoviḱ, a i taa e snimena vo studioto Sound Desing Mix. Masteringot e na Srkiboymusic, Kristijan i Srgjan Jovanoviḱ bea zadolženi za pijano i klavijaturi, a Mladen Pecoviḱ za gitara. Interesno e deka pridružnite vokali gi pee Suzana Brankoviḱ, za čij vokal poširokata javnost slušna po izleguvanjeto na temata „Ponoč je“ odnosno naslovnata pesna od filmot „Toma“.
Se nadevame deka ḱe uživate vo moḱnata emotivna balada na Bojana, koja periodov osven na muzički plan i so snimanje na noviot materijal, e sè poaktivna i koga se živite nastapi vo prašanje.
– Agendata so nastapi niz Makedonija poleka se polni i toa me raduva. Zadovolna sum od reakciite na publikata i navistina uživam vo družbite. Edvaj čekam vo živo da ja otpeam „Sonce megju senkite“ i da gi čujam reakciite na mojata publika , veli Bojana.
Biba KRNČESKA
